അബൂദബി: വഖഫ് ദാതാക്കൾക്ക് ഇനി മുതൽ യുഎഇ ഗോൾഡൻ വിസ. ഇതിനായി ദുബൈ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സും (ജി.ഡി.ആർ.എഫ്.എ.-ദുബൈ) എന്റോവ്‌മെന്റ്‌സ് ആൻഡ് മൈനേഴ്‌സ് അഫയേഴ്‌സ് ഫൗണ്ടേഷനും (അവ്ഖാഫ് ദുബൈ) ചേർന്ന്  ഒരു സഹകരണ കരാർ ഒപ്പുവച്ചു.

കരാർ പ്രകാരം, "മാനുഷിക പ്രവർത്തനങ്ങളുടെ സാമ്പത്തിക പിന്തുണക്കാർ" എന്ന വിഭാഗത്തിലാണ് വഖഫ് ദാതാക്കൾക്ക് ഗോൾഡൻ വിസ അനുവദിക്കുക.

ALSO READ: യുഎഇയുടെ 54-ാമത് യൂണിയൻ ദിനാഘോഷം; യൂണിയൻ മാർച്ച് 2025 ഡിസംബർ 4-ന്

വിസ മാനദണ്ഡങ്ങളും നടപടിക്രമങ്ങളും പാലിക്കുന്ന താമസക്കാരെയും അല്ലാത്തവരെയും (റെസിഡന്റ്‌സ്, നോൺ-റെസിഡന്റ്‌സ്) കാബിനറ്റ് റെസല്യൂഷൻ നമ്പർ (65) പ്രകാരം "മാനുഷിക പ്രവർത്തനങ്ങളുടെ സാമ്പത്തിക പിന്തുണക്കാർ" എന്ന ഗോൾഡൻ വിസ വിഭാഗത്തിനായി അവ്ഖാഫ് ദുബൈ നോമിനേറ്റ് ചെയ്യും.

അവ്ഖാഫ് ദുബൈ നൽകുന്ന ശുപാർശകളുടെ അടിസ്ഥാനത്തിൽ ജി.ഡി.ആർ.എഫ്.എ. ദുബൈ റെസിഡൻസി പെർമിറ്റുകൾ നൽകും. തുടർന്ന്, പദ്ധതി ലക്ഷ്യമിടുന്ന സാമൂഹിക ഉദ്ദേശ്യങ്ങൾ കൈവരിക്കുന്നുണ്ടെന്ന് ഉറപ്പാക്കാനായി, ഈ പദ്ധതിയുടെ നടത്തിപ്പ് നിരീക്ഷിക്കുന്നതിനും ഫലങ്ങൾ വിലയിരുത്തുന്നതിനുമായി ഇരു പാർട്ടികളും ചേർന്ന് ഒരു സംയുക്ത സമിതിക്ക് രൂപം നൽകും.

The UAE has launched a new Golden Visa category for Waqf (Islamic endowment) donors, recognizing their contributions to humanitarian and charitable initiatives. Under this initiative, Awqaf Dubai will nominate eligible donors for the Golden Visa, providing long-term residency benefits.