ഗസ്സ: ഫലസ്തീനില്‍ നടക്കാനിരുന്ന പ്രാദേശിക തെരഞ്ഞെടുപ്പ് കോടതി റദ്ദാക്കി. സ്ഥാനാര്‍ഥി പട്ടികയുടെ കാര്യത്തില്‍ ഫത്ഹ്, ഹമാസ് ഗ്രൂപ്പുകള്‍ തമ്മിലുള്ള പ്രശ്‌നത്തെ തുടര്‍ന്നാണ് ഫലസ്തീന്‍ ഹൈക്കോടതി തെരഞ്ഞെടുപ്പ് റദ്ദാക്കി ഉത്തരവിട്ടത്. നേരത്തേ ഒക്‌ടോബര്‍ എട്ടിനു തെരഞ്ഞെടുപ്പ് നടത്താനായിരുന്നു നിശ്ചയിച്ചിരുന്നത്.
വെസ്റ്റ് ബാങ്കിലേയും ഗസ്സയിലെയും പ്രാദേശിക സമിതികളിലേക്കുള്ള തെരഞ്ഞെടുപ്പായിരുന്നു ഒക്ടോബര്‍ എട്ടിനു നടക്കേണ്ടിയിരുന്നത്. ഫലസ്തീന്റെ ചരിത്രത്തിലെ ജനാധിപത്യ പരീക്ഷണമായിരുന്നു നടക്കാനിരുന്നത്. എന്നാല്‍ സ്ഥാനാര്‍ഥിപട്ടികയുടെയും മറ്റും വിഷയത്തില്‍ തര്‍ക്കങ്ങളും സംഘര്‍ഷങ്ങളും ഉടലെടുത്തതോടെയാണ് ഹൈക്കോടതി തെരഞ്ഞെടുപ്പ് റദ്ദാക്കിയത്.