കണ്ണൂർ: ഭർത്താവിനെ തലക്കടിച്ച് കൊന്ന കേസിൽ പ്രതിയായ ഭാര്യക്ക് ജീവപര്യന്തം. കണ്ണൂർ പെരിങ്ങോം ചാക്കോ വധക്കേസിലാണ് ഭാര്യ റോസമ്മയ്ക്ക് കോടതി ജീവപര്യന്തം തടവ് ശിക്ഷ വിധിച്ചത്. തടവിന് പുറമെ ഒരു ലക്ഷം രൂപ പിഴയും അടക്കണം. തളിപ്പറമ്പ് അഡി. സെഷൻസ് കോടതിയുടെതാണ് വിധി.

2013 ജൂലൈയിലാണ് കേസിനാസ്പദമായ സംഭവം ഉണ്ടായത്. 2013 ജൂലൈ ആറിന് പുലർച്ചെ റോഡിലാണ് ചാക്കോച്ചന്റെ മൃതദേഹം കണ്ടത്. പിന്നീട് നടത്തിയ അന്വേഷണത്തിലാണ് കൃത്യം നടത്തിയത് ഭാര്യയായ റോസമ്മ തന്നെയാണെന്ന് കണ്ടെത്തിയത്. ചോദ്യം ചെയ്യലിൽ ഭർത്താവിനെ തലക്കടിച്ച് കൊന്നതായി തെളിഞ്ഞു. പയ്യന്നൂരിലെ മെഡിക്കൽ സ്റ്റോറിൽ സെയിൽസ്‌മാൻ ആയിരുന്നു ചാക്കോച്ചൻ.