ദുബൈ: ഒക്ടോബർ 15ന് 30ാം സീസൺ ആരംഭിച്ചതു മുതൽ റെക്കോർഡ് സന്ദർശകരാണ് ഗ്ലോബൽ വില്ലേജിൽ എത്തുന്നത്. ഈ സാഹചര്യത്തിൽ പൊതുജന സുരക്ഷ ഉറപ്പാക്കുന്നതിനായി ദുബൈ മുനിസിപ്പാലിറ്റി ​ഗ്ലോബൽ വില്ലേജിലെ ഭക്ഷ്യവസ്തുക്കളുടെയും മറ്റ് ഉൽപ്പന്നങ്ങളുടെയും ഗുണനിലവാരം പരിശോധിച്ചു.

51,000-ത്തിലധികം ഭക്ഷ്യ യൂണിറ്റുകളും 49 ചരക്ക് നീക്കങ്ങളും അധികൃതർ നിരീക്ഷണ വിധേയമാക്കി. കൂടാതെ, 200-ൽ അധികം എക്സിബിറ്റർമാർക്ക് (പ്രദർശകർക്ക്) അനുമതി പത്രങ്ങൾ നൽകുകയും ചെയ്തു.

പ്രാദേശികവും ആഗോളവുമായ നിലവാരങ്ങൾ പാലിക്കുന്നുണ്ടെന്ന് ഉറപ്പുവരുത്തുന്നതിനായി മുനിസിപ്പാലിറ്റി നൂതന സാങ്കേതികവിദ്യകൾ (advanced tech) ഉപയോഗിച്ചാണ് ഈ പരിശോധനകൾ നടത്തിയത്.

ALSO READ: പൊലിസ് യൂണിഫോം ധരിക്കാൻ മൂന്ന് വയസുകാരിക്ക് ആ​ഗ്രഹം: യൂണിഫോം മാത്രമല്ല, ആ വേഷത്തിൽ ഒന്ന് കറങ്ങി വരുക കൂടി ചെയ്യാമെന്ന് ദുബൈ പൊലിസ്

സീസൺ വിശദാംശങ്ങൾ

കഴിഞ്ഞ സീസണിൽ 30 രാജ്യങ്ങളെ പ്രതിനിധീകരിക്കുന്ന പവലിയനുകളാണ് ​ഗ്ലോബൽ വില്ലേജ് പ്രദർശിപ്പിച്ചത്. ഓരോന്നും, പരമ്പരാഗത കരകൗശല വസ്തുക്കൾ, പാചകരീതികൾ, പ്രകടനങ്ങൾ, അതുല്യമായ ഉൽപ്പന്നങ്ങൾ എന്നിങ്ങനെ ദേശീയ സംസ്കാരം ഹൈലൈറ്റ് ചെയ്യുന്ന രീതിയിലായിരുന്നു ഒരുക്കിയിരുന്നത്.

അന്താരാഷ്ട്ര പവലിയനുകൾ, ലോകമെമ്പാടുമുള്ള ഭക്ഷണം, സാംസ്കാരിക പ്രകടനങ്ങൾ, ഷോപ്പിംഗ്, റൈഡുകൾ, തത്സമയ വിനോദം എന്നിവ സന്ദർശകർക്ക് വാഗ്ദാനം ചെയ്യുന്നു.

കഴിഞ്ഞ സീസണിൽ 10.5 ദശലക്ഷം സന്ദർശകരാണ് ​ഗ്ലോബൽ വില്ലേജിൽ എത്തിയത്. ​ഗ്ലോബൽ വില്ലേജജിൽ ഏറ്റവും കൂടുതൽ സന്ദർശകരെത്തിയ വർഷമായിരുന്നു ഇത്. ഗ്ലോബൽ വില്ലേജ് വീണ്ടും തുറന്ന സാഹചര്യത്തിൽ യുഎഇ നിവാസികളെല്ലാം വലിയ ആവേശത്തിലാണ്.

To ensure public safety and maintain high standards, Dubai Municipality has launched a series of quality checks on food and other products at Global Village, following a record number of visitors since the event's 30th season began on October.