ബെംഗളൂരു: ബെംഗളൂരു ഉത്തരഹള്ളിയില്‍ മകളുടെ പ്രണയബന്ധം വിലക്കിയ അമ്മയെ പ്രായപൂര്‍ത്തിയാവാത്ത മകള്‍ കൊലപ്പെടുത്തിയ സംഭവത്തില്‍ കൂടുതല്‍ വിവരങ്ങള്‍ പുറത്തു വന്നു. ബെംഗളൂരുവിലെ ബ്രഹ്മണ്യപുരയിലെ സര്‍ക്കിള്‍ മാരാമ ക്ഷേത്രത്തിന് സമീപത്ത് താമസിക്കുന്ന 35കാരി നേത്രാവതിയാണ് കൊല്ലപ്പെട്ടത്.

മകളും ആണ്‍ സുഹൃത്തും തമ്മിലുള്ള ബന്ധം നേത്രാവതി പലതവണ വിലക്കിയിരുന്നു. താനില്ലാത്തപ്പോള്‍ ഈ പതിനേഴുകാരനും സുഹൃത്തുക്കളും വീട്ടിലെത്തുന്നത് ചോദ്യം ചെയ്യുകയും ചെയ്തിരുന്നു. എന്നാല്‍ ഇത് മറികടന്ന് ഒക്ടോബര്‍ 25ന് രാത്രിയും ഈ സംഘം നേത്രാവതിയുടെ വീട്ടിലെത്തുകയായിരുന്നു.

വിധവയായ നേത്രാവതിയും മകളും മാത്രമാണ് വീട്ടില്‍ താമസിച്ചിരുന്നത്. സംഭവ ദിവസം രാത്രി 11 മണിയോടെ വീട്ടില്‍ ബഹളം കേട്ട് ഉറക്കമുണര്‍ന്ന നേത്രാവതി കണ്ടത് മകള്‍ക്കൊപ്പം കാമുകനേയും മറ്റു 3 സുഹൃത്തുക്കളെയുമാണ്. എല്ലാവരും ഒരു മുറിയിലായിരുന്നു ഉണ്ടായിരുന്നതും.

ഇത് കണ്ട നേത്രാവതി ബഹളമുണ്ടാക്കുകയും മകളെ ശകാരിക്കുകയും ആണ്‍കുട്ടികളോട് വീട്ടില്‍ നിന്നിറങ്ങിപ്പോകാന്‍ പറയുകയും ചെയ്തു. നേത്രാവതി ബഹളം വച്ചതോടെ ഈ സംഘം യുവതിയെ ശ്വാസം മുട്ടിച്ച് കൊലപ്പെടുത്തുകയായിരുന്നുവെന്നും പൊലിസ് പറഞ്ഞു. മരിച്ചെന്നുറപ്പായപ്പോള്‍ സാരി ഉപയോഗിച്ച് കെട്ടിത്തൂക്കുകയായിരുന്നു. പിന്നാലെ വീടുപൂട്ടി എല്ലാവരും സ്ഥലം വിടുകയും ചെയ്തു.

ALSO READ: 95,600 - 1,53,200 രൂപവരെ ശമ്പളം; സപ്ലൈക്കോയില്‍ സ്ഥിര ജോലി നേടാം; ഈ യോ​ഗ്യത വേണം

ബന്ധുക്കള്‍ കരുതിയത് നേത്രാവതി എവിടേക്കോ പോയതാണെന്നാണ് . രണ്ട് ദിവസമായിട്ടും കാണാതായതോടെ അന്വേഷിച്ചെത്തിയ സഹോദരിയാണ് മരണ വിവരം പുറത്തറിയിക്കുന്നത്. ആദ്യം തൂങ്ങിമരണമാണ് എന്ന് കരുതിയെങ്കിലും മകള്‍ തിരിച്ചെത്തി ഒരു കഥയുണ്ടാക്കി പറഞ്ഞതോടെയാണ് കൊലപ്പെടുത്തിയതാണെന്ന നിഗമനത്തിലേക്ക് ബന്ധുക്കള്‍ എത്തുന്നത്.

സഹോദരിയുടെ പരാതിയില്‍ പൊലിസ് നേത്രാവതിയുടെ മകളുടെ കാമുകനെ കസ്റ്റഡിയിലെടുത്ത് ചോദ്യം ചെയ്തതോടെയാണ് സത്യം പുറത്തുവന്നത്. പിന്നാലെ പ്രായപൂര്‍ത്തിയാകാത്ത കുട്ടികളെ പൊലീസ് കസ്റ്റഡിയിലുമെടുത്തു. സംഭവത്തില്‍ നേത്രാവതിയുടെ 17 കാരിയായ മകളും കാമുകനും ഉള്‍പ്പെടെ 5 പേരാണ് അറസ്റ്റിലായിരിക്കുന്നത്. ഇതില്‍ നാലുപേരും പതിനാറിനും പതിനേഴിനും ഇടയില്‍ പ്രായമുള്ളവരാണ്. ഒരാളുടെ പ്രായം പതിമൂന്ന് വയസും.

In Uttarahalli, Bengaluru, a 17-year-old girl allegedly murdered her mother, Netravati (35), after repeated arguments over the girl’s relationship with her boyfriend. The mother and daughter lived alone near the Maramma Temple in Brahmanyapura.According to police, Netravati had often warned her daughter to stay away from the boy and questioned his visits to their home when she wasn’t present. On the night of October 25, around 11 p.m., Netravati woke up to loud noises and found her daughter with her boyfriend and three of his friends in a room.Angered by the scene, she scolded her daughter and ordered the boys to leave the house. This confrontation escalated into the murder of Netravati, as revealed in later investigations.