ബെംഗളൂരു: ഏറെ നാളത്തെ കാത്തിരിപ്പിനൊടുവില്‍ എറണാകുളം- ബംഗളുരു വന്ദേഭാരത് എക്‌സ്പ്രസ് സ്ഥിര സര്‍വീസ് വരുന്നു. അടുത്തയാഴ്ച്ച മുതലാണ് സര്‍വീസ് ആരംഭിക്കുക. പ്രധാനമന്ത്രി നരേന്ദ്രമോദി സര്‍വീസ് ഓണ്‍ലൈനായി ഉദ്ഘാടനം ചെയ്യും. 

സമയക്രമം ഇങ്ങനെ: കെ എസ് ആര്‍ ബംഗളൂരുവില്‍ നിന്ന് ട്രെയിന്‍ രാവിലെ 5.10 ന് പുറപ്പെടും. ഉച്ചയ്ക്ക് 1.50 ന് എറണാകുളത്തെത്തും. 2.20 ന് മടക്കയാത്ര ആരംഭിക്കുന്ന ട്രെയിന്‍ രാത്രി 11 ന് ബംഗളൂരുവിലെത്തും. 

കൃഷ്ണരാജപുരം, സേലം, ഈറോഡ്, തിരുപ്പൂര്‍ , കോയമ്പത്തൂര്‍, പാലക്കാട്, തൃശൂര്‍ എന്നിവിടങ്ങളില്‍ സ്റ്റോപ്പുകളുണ്ട്. 

8 മണിക്കൂര്‍ 40 മിനിറ്റുകൊണ്ട് ഓടിയെത്തുന്ന വന്ദേ ഭാരത് ഈ റൂട്ടിലെ ഏറ്റവും വേഗമേറിയ ട്രെയിന്‍ ആണ്. ബുധനാഴ്ചകളില്‍ സര്‍വീസ് ഉണ്ടാകില്ല. 

ഈ റൂട്ടില്‍ വന്ദേ ഭാരത് സ്ലീപ്പര്‍ ട്രെയിനിനായും ആവശ്യമുയരുന്നുണ്ട്.

കഴിഞ്ഞ വര്‍ഷം ബംഗളുരുവില്‍ നിന്ന് എറണാകുളത്തേക്ക് വന്ദേഭാരത് എക്‌സ്പ്രസ് സ്‌പെഷ്യല്‍ സര്‍വീസ് അനുവദിച്ചിരുന്നു. 2024 ജൂലൈ 31 ന് ആരംഭിച്ച സര്‍വീസ് ഓഗസ്റ്റ് 26 ന് അവസാനിപ്പിച്ചു.  

English Summary: The long-awaited Ernakulam–Bengaluru Vande Bharat Express is set to begin its regular service next week, ending months of anticipation. Prime Minister Narendra Modi will officially flag off the train online.