ഹെല്മറ്റുമില്ല, കൊച്ചു കുട്ടികളടക്കം ഏഴു പേര് ഒരു ബൈക്കില്; യുവാവിനെ കണ്ട് തൊഴുത് ട്രാഫിക് ഉദ്യോഗസ്ഥര്
യുപി: ഉത്തര്പ്രദേശിലെ ഹാപൂരില് ഹെല്മറ്റ് പോലുമില്ലാതെ കൊച്ച് കുഞ്ഞുങ്ങളുള്പ്പെടെ ആറ് കുട്ടികളുമായി ഇരുചക്ര വാഹനത്തില് എത്തിയ ആളെ കണ്ട് തൊഴുത് നില്ക്കുന്ന ട്രാഫിക് പൊലിസ് ഉദ്യോഗസ്ഥന്റെ ചിത്രം സമൂഹ മാധ്യമങ്ങളില് വൈറലായി.
ഭാരത് സമാചാര് എന്ന എക്സ് ഹാന്റിലില് നിന്നാണ് ചിത്രം പങ്കുവയ്ക്കപ്പെട്ടിരിക്കുന്നത്. വൈറല് ചിത്രത്തില് ബൈക്കിന്റെ ടാങ്കിന് മുകളിലായി രണ്ട് കൊച്ചു കുട്ടികളിരിക്കുന്നതു കാണാം. അതില് മുന്നിലിരിക്കുന്ന കുഞ്ഞ് ഹാന്റില് ബലമായി പിടിച്ചിരിക്കുകയാണ്. അതിന്റെ പിന്നിലായി അതിനെക്കാള് ചെറിയൊരു കുഞ്ഞന് മുന്നിലെ കുട്ടിക്കും പിന്നിലെ ബൈക്ക് ഓടിക്കുന്ന യുവാവിനും ഇടയില് പെട്ട് ഇരിക്കുന്നുണ്ട്.

ഈ കുഞ്ഞ് ഏറെ കഷ്ടപ്പെട്ടാണ് അവിടിരിക്കുന്നതെന്നും ചിത്രങ്ങളില് വ്യക്തം. യുവാവിന് പിന്നിലായി പല പ്രായത്തിലുള്ള നാല് കുട്ടികളാണ് ഇരിക്കുന്നത്. ഏറ്റവും പിന്നിലുള്ള കുട്ടി എപ്പോള് വേണമെങ്കിലും താഴെ പോകുമെന്ന അവസ്ഥയിലുമാണ്. ഇവരുടെ മുന്നിലായി തൊഴുത് നില്ക്കുന്ന രണ്ട് ട്രാഫിക്ക് ഉദ്യോഗസ്ഥരെയും കാണാം.
7,000 രുപ പിഴ
ഇരുചക്രവാഹനത്തില് അമിത ഭാരം കയറ്റല്, ജീവന് അപകടത്തിലാക്കല്, അടിസ്ഥാന ഗതാഗത സുരക്ഷാ മാനദണ്ഡങ്ങള് ലംഘിക്കല് എന്നിവയുള്പ്പെടെ ഒന്നിലധികം നിയമലംഘനങ്ങള് നടത്തി എന്ന കുറ്റത്തിനാണ് യുവാവിന് പൊലിസ് ഉദ്യോഗസ്ഥര് 7,000 രൂപ പിഴ ചുമത്തിയതെന്ന് റിപ്പോര്ട്ടുകള് പറയുന്നത്.
ചിത്രം വൈറലായതിന് പിന്നാലെ കുട്ടികളുടെ ജീവന് അപകടത്തിലാക്കിയ യുവാവിനെതിരെ നിരവധി പേര് രംഗത്തെത്തിയിരുന്നു.
A photo from Hapur, Uttar Pradesh, showing a man riding a two-wheeler with six children — none wearing helmets — has gone viral on social media. The image, shared by Bharat Samachar on X, shows two small children sitting on the fuel tank, one of them gripping the handle tightly, while four more children sit behind the rider, the last one appearing at risk of falling off.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."