തിരുവനന്തപുരം: 'ജയിക്കാൻ വേണ്ടി ജമ്മു കശ്മീരിൽ നിന്ന് ആളുകളെ കൊണ്ടുവന്ന് താമസിപ്പിച്ച് വോട്ട് ചെയ്യിക്കും' എന്ന ബിജെപി സംസ്ഥാന വൈസ് പ്രസിഡൻ്റ് ബി. ഗോപാലകൃഷ്ണൻ്റെ പഴയ വീഡിയോ കോൺഗ്രസ് നേതാവ് രാഹുൽ ഗാന്ധി വാർത്താസമ്മേളനത്തിൽ പ്രദർശിപ്പിച്ചതിന് പിന്നാലെ, ഗോപാലകൃഷ്ണനെ പരിഹസിച്ച് കോൺഗ്രസ് നേതാവ് സന്ദീപ് വാര്യർ രംഗത്ത്. "മണ്ടനാണെങ്കിലും അറിയാതെ സത്യം വിളിച്ചു പറഞ്ഞ ഗോപാലകൃഷ്ണൻ ആണെൻ്റെ ഹീറോ" എന്നാണ് സന്ദീപ് വാര്യർ ഫേസ്ബുക്കിൽ കുറിച്ചത്.

ALSO READ: അപ്രതീക്ഷിതം; സി.പി.എം പിന്തുണ വിട്ട് വൈസ് ചെയർപേഴ്സൺ കോൺഗ്രസിലേക്ക്; പട്ടാമ്പി നഗരസഭാ ഭരണം പ്രതിസന്ധിയിൽ

കഴിഞ്ഞ ഓഗസ്റ്റ് 22-ന് ബി. ഗോപാലകൃഷ്ണൻ മാധ്യമങ്ങളോട് സംസാരിക്കവെ നടത്തിയ വിവാദ പരാമർശങ്ങളാണ് രാഹുൽ ഗാന്ധി ഇന്ന് ഹരിയാനയിലെ വോട്ട് ക്രമക്കേട് വെളിപ്പെടുത്തിയ വാർത്താസമ്മേളനത്തിൽ പ്രദർശിപ്പിച്ചത്. "ജയിക്കാൻ വേണ്ടി ഞങ്ങൾ വ്യാപകമായി വോട്ട് ചേർക്കും. ഞങ്ങൾ ജയിക്കാൻ ഉദ്ദേശിക്കുന്ന മണ്ഡലങ്ങളിൽ ജമ്മു കശ്മീരിൽ നിന്നും ആളുകളെ കൊണ്ടുവന്ന് താമസിപ്പിച്ച് വോട്ട് ചെയ്യിക്കും. ഒരു സംശയവുമില്ല. അത് നാളെയും ചെയ്യിക്കും." തൃശൂരിൽ സുരേഷ് ഗോപി വിജയിച്ചത് മണ്ഡലത്തിന് പുറത്തുനിന്നും ആളുകളെ എത്തിച്ച് വ്യാജ വിലാസത്തിൽ അവരുടെ വോട്ട് ചേർത്താണെന്ന ആരോപണം ഉയർന്ന പശ്ചാത്തലത്തിലായിരുന്നു ബിജെപി നേതാവിൻ്റെ ഈ പ്രതികരണം.

ALSO READ: ആറുമാസം പ്രായമുള്ള കുഞ്ഞ് കൊല്ലപ്പെട്ട സംഭവം: കൊലപാതകമെന്ന് സ്ഥിരീകരിച്ച് പൊലിസ്; അമ്മൂമ്മയുടെ അറസ്റ്റ് നാളെ രേഖപ്പെടുത്തും

വോട്ട് ക്രമക്കേടിന് തെളിവായി ഹരിയാനയിലെ ബ്രസീലിയൻ മോഡലിൻ്റെ സംഭവങ്ങൾ അവതരിപ്പിച്ചപ്പോഴാണ്, സമാനമായ വോട്ട് ചേർക്കൽ രീതിയെക്കുറിച്ച് ബി. ഗോപാലകൃഷ്ണൻ സംസാരിക്കുന്ന വീഡിയോയും രാഹുൽ ഗാന്ധി പ്രദർശിപ്പിച്ചത്. ഇതാണ് ബിജെപി നേതാവിനെ പരിഹസിക്കാൻ സന്ദീപ് വാര്യർക്ക് പ്രേരണയായത്.

 

 

ബിഹാറിൽ ഒന്നാം ഘട്ട വോട്ടെടുപ്പ് നടക്കാനിരിക്കെയാണ് ഹരിയാനയിലെ ഗുരുതരമായ വോട്ട് ക്രമക്കേടുകൾ ചൂണ്ടിക്കാട്ടി 'എച്ച് ഫയൽസ്' എന്ന പേരിൽ രാഹുൽ ഗാന്ധി ഇന്ന് വാർത്താസമ്മേളനം നടത്തിയത്. വോട്ട് ചോരിക്ക് പകരം 'സർക്കാർ ചോരി' എന്നാണ് ഹരിയാനയിലെ ക്രമക്കേടുകളെ അദ്ദേഹം വിശേഷിപ്പിച്ചത്. ബ്രസീലിയൻ മോഡലിൻ്റെ ഫോട്ടോ ഉപയോഗിച്ച് ഹരിയാനയിൽ 22 വോട്ടുകൾ ചെയ്തതായി രാഹുൽ ഗാന്ധി തെളിവുകളും നിരത്തി. ഒരേ ഫോട്ടോ ഉപയോഗിച്ച് വ്യത്യസ്ത പേരിൽ പത്ത് ബൂത്തുകളിലാണ് ഈ 22 വോട്ട് രേഖപ്പെടുത്തിയത്.

ഹരിയാനയിൽ 25 ലക്ഷം വോട്ട് കൊള്ളയാണ് നടന്നതെന്നും അദ്ദേഹം കൂട്ടിച്ചേർത്തു. 2 കോടി വോട്ടർമാരുള്ള സംസ്ഥാനത്ത് 5,21,619 ഇരട്ട വോട്ടുകളാണ് കണ്ടെത്തിയത്. അതായത്, എട്ടിൽ ഒരു വോട്ട് വ്യാജമാണ് എന്ന് അർത്ഥം.

"ഒരാൾക്ക് ഒരു മണ്ഡലത്തിൽ 100 വോട്ടുണ്ട്. ഒറ്റ ഫോട്ടോ, ഒരു മണ്ഡലം, 100 വോട്ട്, വോട്ടർ പട്ടികയിൽ ഒരേ ഫോട്ടോ, ഒരേ പേര്, 104-ാം നമ്പർ വീട്ടിൽ നൂറുകണക്കിന് വോട്ടുകളാണുള്ളത്. രണ്ട് ബൂത്തുകളിലായി ഒരു സ്ത്രീ 223 വോട്ട് ചെയ്തു," രാഹുൽ ഗാന്ധി പറഞ്ഞു.

Congress leader Sandeep Warrier publicly mocked BJP State Vice President B. Gopalakrishnan after Rahul Gandhi displayed Gopalakrishnan's old video during a press conference on alleged voting fraud. In the video, Gopalakrishnan claimed the BJP would bring people from Jammu and Kashmir to settle and cast votes in constituencies they intended to win. Warrier posted on Facebook, stating, "'Gopalakrishnan, who unwittingly spoke the truth despite being a fool, is my hero'." The incident followed Rahul Gandhi's 'H-Files' press meet, where he alleged widespread voter fraud in Haryana, including the use of a Brazilian model's photo to register multiple fake votes.