കൊല്ലം: മലപ്പുറം എസ്പി ക്യാമ്പ് ഓഫീസിലെ മരം മുറിക്കേസില്‍ എസ്.പി സുജിത്ത് ദാസിനെതിരെ പരാതി നല്‍കിയ എസ്.ഐ രാജിവെച്ചു. എസ്.ഐ ശ്രീജിത്ത് നരേന്ദ്രന്‍ രാജി അറിയിച്ച് സംസ്ഥാന പൊലിസ് മേധാവിക്ക് കത്തയച്ചു. 

മലപ്പുറം എസ്പിയുടെ ക്യാമ്പ് ഓഫീസിലെ മരങ്ങള്‍ അനധികൃതമായി മുറിച്ച് കടത്തിയെന്ന് ചൂണ്ടിക്കാട്ടി എസ്.പി സുജിത്ത് ദാസിനെതിരെ ശ്രീജിത്ത് പരാതി നല്‍കിയിരുന്നു. മുഖ്യമന്ത്രിക്കും, സംസ്ഥാന പൊലിസ് മേധാവിക്കും നല്‍കിയ പരാതി ആദ്യ ഫയലില്‍ സ്വീകരിച്ചെങ്കിലും തുടര്‍ നടപടിയൊന്നും ഉണ്ടായില്ല. പകരം തനിക്കെതിരെ പ്രതികാര നടപടി സ്വീകരിക്കുകയാണെന്നും സംസ്ഥാന മേധാവിക്ക് നല്‍കിയ കത്തില്‍ ശ്രീജിത്ത് പറഞ്ഞു. 

തന്നെയും കുടുംബത്തെയും അപമാനിക്കുകയാണെന്നും, സര്‍വീസില്‍ തുടരാന്‍ താല്‍പര്യമില്ലെന്നും ശ്രീജിത്ത് വ്യക്തമാക്കി. സേനയില്‍ നിന്നുള്ള യാതൊരു ആനുകൂല്യങ്ങളും തനിക്ക് ആവശ്യമില്ലെന്നും, എന്നും സേനയോട് കടപ്പെട്ടിരിക്കുന്നുവെന്നും ശ്രീജിത്ത് കത്തില്‍ പറഞ്ഞു.

ALSO READ: ശബരിമല സ്വര്‍ണ്ണക്കൊള്ള കേസ്; മുന്‍ തിരുവാഭരണം കമ്മീഷണര്‍ അറസ്റ്റില്‍  

SI Sreejith Narendra, who had complained against SP Sujith Das over an illegal tree-cutting incident at the Malappuram SP camp office, has resigned from service.