പാലക്കാട്: പാലക്കാട് ധോണി - മുണ്ടൂർ റോഡിൽ കാറിന് തീപിടിച്ച് ഒരാൾ വെന്തുമരിച്ചു. ഇന്ന് വൈകിട്ട് നാല് മണിയോടെയായിരുന്നു നാടിനെ നടുക്കിയ ദാരുണ സംഭവം. കാറിനുള്ളിൽ കുടുങ്ങിയ ആളെ രക്ഷപ്പെടുത്താൻ നാട്ടുകാർ കിണഞ്ഞു പരിശ്രമിച്ചെങ്കിലും നിമിഷങ്ങൾക്കകം തീ ആളിപ്പടർന്നതിനാൽ ജീവൻ രക്ഷിക്കാനായില്ല. മുണ്ടൂർ വേലിക്കാട് സ്വദേശിയുടേതാണ് കാർ എന്നാണ് പ്രാഥമിക വിവരം. ഏറെ നേരമായി റോഡരികിൽ നിർത്തിയിട്ടിരുന്ന കാറിനാണ് തീപിടിച്ചത്.

ALSO READ: നടിയെ ആക്രമിച്ച കേസ്: അന്വേഷണ ഉദ്യോഗസ്ഥനെതിരെ കോടതിയിൽ ആഞ്ഞടിച്ച് ദിലീപ്

റോഡരികിൽ നിർത്തിയിട്ടിരുന്ന കാറിൽ നിന്ന് പെട്ടെന്ന് പുക ഉയരുന്നത് കണ്ട നാട്ടുകാർ തീയണയ്ക്കാൻ ശ്രമിച്ചിരുന്നു. ഈ ശ്രമത്തിനിടയിലാണ് കാറിനുള്ളിൽ ഒരാൾ ഇരിക്കുന്നുണ്ടെന്ന കാര്യം ശ്രദ്ധയിൽപ്പെടുന്നത്. എന്നാൽ ഉടൻ തന്നെ തീ ആളിപ്പടരുകയും വാഹനം പൂർണ്ണമായും കത്തിയമരുകയുമായിരുന്നു. കാർ വെട്ടിപ്പൊളിച്ചാണ് ഉള്ളിലുണ്ടായിരുന്ന ആളെ പുറത്തെടുത്തതെങ്കിലും അപ്പോഴേക്കും മരണം സംഭവിച്ചിരുന്നു.

ALSO READ: നെഞ്ചിൽ പിടിച്ചുതള്ളി, മുഖത്തടിച്ചു; പൊലിസ് സ്റ്റേഷനിൽ ഗർഭിണിക്ക് നേരെ എസ്.എച്ച്.ഒയുടെ ക്രൂരമർദ്ദനം: സിസിടിവി ദൃശ്യങ്ങൾ പുറത്ത്

മരിച്ചയാളെ ഇതുവരെ തിരിച്ചറിയാനായിട്ടില്ല. സംഭവസ്ഥലത്ത് പൊലിസും ഫയർഫോഴ്സും എത്തി മേൽനടപടികൾ സ്വീകരിച്ചുവരികയാണ്. ഷോർട്ട് സർക്യൂട്ടാണോ തീപിടുത്തത്തിന് കാരണമെന്ന് പരിശോധിച്ചു വരുന്നു.

A man was killed after a car caught fire on the Dhoni-Mundur road in Palakkad around 4:00 PM today. The vehicle had been parked on the roadside for a considerable time before the fire broke out. Although local residents rushed to extinguish the flames, they were unable to save the person trapped inside. The identity of the deceased is yet to be confirmed, though the car is suspected to belong to a resident of Mundur Velikkad. Police and fire officials are investigating the cause of the fire.