ദുബൈ: യുഎഇയിൽ അസ്ഥിര കാലാവസ്ഥ തുടരുന്ന സാഹചര്യത്തിൽ സുരക്ഷാ നടപടികളുടെ ഭാഗമായി പാർക്കുകളും ബീച്ചുകളും ഉൾപ്പെടെയുള്ള പൊതുസ്ഥലങ്ങൾ താൽക്കാലികമായി അടച്ചു. 

അടച്ചിട്ട സ്ഥലങ്ങൾ

പാർക്കുകളും ബീച്ചുകളും: ദുബൈ, ഷാർജ, അജ്മാൻ എന്നിവിടങ്ങളിലെ പൊതു പാർക്കുകളും ബീച്ചുകളും ഡിസംബർ 18 (വ്യാഴം), 19 (വെള്ളി) ദിവസങ്ങളിൽ അടച്ചിടും. കാലാവസ്ഥ മെച്ചപ്പെട്ടതിന് ശേഷം മാത്രമേ ഇവ തുറക്കുകയുള്ളൂ.

വിനോദസഞ്ചാര കേന്ദ്രങ്ങൾ: ദുബൈ സഫാരി പാർക്ക്, ഷാർജ സഫാരി പാർക്ക് എന്നിവ വെള്ളിയാഴ്ച (ഡിസംബർ 19) അടച്ചിടും. ഗ്ലോബൽ വില്ലേജ് വ്യാഴാഴ്ച മുതൽ പ്രവർത്തനമവസാനിപ്പിച്ചു. വീണ്ടും തുറക്കുന്ന കാര്യം പിന്നീട് അറിയിക്കും.

മ്യൂസിയങ്ങൾ: ദുബൈയിലെ അൽ ഷിന്ദഗ മ്യൂസിയം വ്യാഴാഴ്ച വൈകുന്നേരം മുതൽ അടച്ചു.

ALSO READ: അസ്ഥിര കാലാവസ്ഥ: അടിയന്തര സാഹചര്യം നേരിടാൻ ദുബൈ പൊലിസ് സജ്ജം; 22 കേന്ദ്രങ്ങളിൽ രക്ഷാസേനയെ വിന്യസിച്ചു

മാറ്റിവെച്ച പരിപാടികൾ

സിംബാങ് ഗാബി: ദുബൈ സെന്റ് മേരീസ് പള്ളിയിൽ നടക്കേണ്ടിയിരുന്ന ഒൻപത് ദിവസത്തെ പരമ്പരാഗത ഫിലിപ്പിനോ പ്രാർത്ഥനാ ചടങ്ങുകൾ മോശം കാലാവസ്ഥയെത്തുടർന്ന് റദ്ദാക്കി.

പ്രദർശനങ്ങൾ: റാസൽഖൈമയിൽ നടക്കേണ്ടിയിരുന്ന 'ലംസത് വതനിയ 2025' എക്സിബിഷൻ കാലാവസ്ഥ പ്രതികൂലമായതിനാൽ മറ്റൊരു ദിവസത്തേക്ക് മാറ്റി. പുതിയ തീയതി പിന്നീട് അറിയിക്കും.

Due to unstable weather conditions, Dubai Municipality has announced the temporary closure of public beaches, parks, and open markets on December 18 and 19, prioritizing public safety. Similar closures have been implemented in Sharjah and Ajman, with authorities urging residents to exercise caution and follow safety guidelines.