ദുബൈ: യുഎഇയിൽ താമസിക്കുന്നവരുടെ ഐഡന്റിറ്റിയും താമസരേഖയും മാത്രമല്ല എമിറേറ്റ്‌സ് ഐഡി. ഇന്ധനം വാങ്ങുന്നത് മുതൽ വിദേശയാത്രകൾ വരെ ലളിതമാക്കാനുള്ള കാര്യശേഷി ഈ കാർഡിനുണ്ട്. ബയോമെട്രിക് വിവരങ്ങൾ ഉൾപ്പെടെ 20-ൽ അധികം ഡാറ്റാ പോയിന്റുകൾ അടങ്ങിയ ചിപ്പോടുകൂടിയ ഈ സ്മാർട്ട് കാർഡ് നിങ്ങളുടെ ദൈനംദിന ജീവിതം എങ്ങനെ മെച്ചപ്പെടുത്തുന്നു എന്ന് നോക്കാം.

1. വിദേശയാത്രകൾക്ക് പാസ്‌പോർട്ടിനൊപ്പം തുണ

ഒമാനിലേക്കുള്ള യാത്ര: ഒമാനിലേക്ക് കാറിൽ യാത്ര ചെയ്യുമ്പോൾ, യുഎഇയിൽ നിന്ന് പുറത്തുകടക്കാനും വിസ ഓൺ അറൈവൽ നേടാനും എമിറേറ്റ്‌സ് ഐഡി നിർബന്ധമാണ്.

ജിസിസി രാജ്യങ്ങൾ: യുഎഇ പൗരന്മാർക്ക് ഗൾഫ് സഹകരണ കൗൺസിൽ (ജിസിസി) രാജ്യങ്ങൾക്കുള്ളിൽ യാത്ര ചെയ്യാനുള്ള യാത്രാ രേഖയായി എമിറേറ്റ്‌സ് ഐഡി ഉപയോഗിക്കാം.

വിസ ഓൺ അറൈവൽ രാജ്യങ്ങൾ: ജോർജിയ, അസർബൈജാൻ പോലുള്ള രാജ്യങ്ങളിലേക്ക് പോകുമ്പോൾ മറ്റ് യാത്രാ രേഖകൾക്കൊപ്പം എമിറേറ്റ്‌സ് ഐഡി കൂടി ഹാജരാക്കണം.

2. സർക്കാർ സേവനങ്ങളുടെ താക്കോൽ

ഡ്രൈവിംഗ് ലൈസൻസ്, വാടക കരാർ (Ejari), ട്രാഫിക് പിഴ അടക്കൽ, മൊബൈൽ നമ്പർ രജിസ്‌ട്രേഷൻ തുടങ്ങി എല്ലാ സർക്കാർ സേവനങ്ങൾക്കും എമിറേറ്റ്‌സ് ഐഡി അത്യാവശ്യമാണ്. കൂടാതെ, ആയിരക്കണക്കിന് സർക്കാർ പ്ലാറ്റ്‌ഫോമുകളിലേക്ക് ഒറ്റ ലോഗിൻ സൗകര്യം നൽകുന്ന ഔദ്യോഗിക ഡിജിറ്റൽ ഐഡന്റിറ്റിയായ യുഎഇ പാസിനായി (UAE Pass) രജിസ്റ്റർ ചെയ്യാനും ഇത് വേണം.

ALSO READ: അൽ മൽഹ കൊമേഴ്‌സ്യൽ ഏരിയയിലെ തിരക്ക് കുറയും; പുതിയ റോഡുകൾ നിർമ്മിച്ച് ഷാർജ റോഡ്സ് ആൻഡ് ട്രാൻസ്പോർട്ട് അതോറിറ്റി 

3. ADNOC പമ്പുകളിൽ ഇന്ധനം നിറയ്ക്കാം, പണം ലാഭിക്കാം

ADNOC (അബൂദാബി നാഷണൽ ഓയിൽ കമ്പനി) പെട്രോൾ പമ്പുകളിൽ എമിറേറ്റ്‌സ് ഐഡി ഒരു പേയ്‌മെന്റ് രീതിയായി ഉപയോഗിക്കാം. ഐഡി, ADNOC വാലറ്റുമായി ലിങ്ക് ചെയ്താൽ മതി. ഈ വാലറ്റ് ഉപയോഗിച്ച് ഇന്ധനം നിറയ്ക്കാം, കാർ കഴുകാം, കൺവീനിയൻസ് സ്റ്റോറിൽ നിന്ന് സാധനങ്ങൾ വാങ്ങാം. ഇത് പണച്ചെലവുകൾ നിയന്ത്രിക്കാനും റിവാർഡുകൾ നേടാനും സഹായിക്കും.

4. എടിഎം കാർഡ് ഇല്ലാതെ പണം പിൻവലിക്കാം

എമിറേറ്റ്‌സ് എൻബിഡി, എമിറേറ്റ്‌സ് ഇസ് ലാമിക്, എഡിസിബി, മഷ്രെഖ് പോലുള്ള ചില പ്രമുഖ ബാങ്കുകൾ എടിഎം കാർഡിന് പകരം എമിറേറ്റ്‌സ് ഐഡി ഉപയോഗിച്ച് പണം പിൻവലിക്കാൻ അനുവദിക്കുന്നുണ്ട്. ബാങ്കിന്റെ മൊബൈൽ ആപ്പ് വഴി ഈ സേവനം ആക്ടീവാക്കിയ ശേഷം, എടിഎമ്മിൽ ഐഡി ഉപയോഗിക്കുമ്പോൾ രജിസ്റ്റർ ചെയ്ത മൊബൈൽ നമ്പറിൽ ലഭിക്കുന്ന ഒറ്റത്തവണ പാസ്‌വേഡ് (OTP) നൽകി പണം പിൻവലിക്കാം.

5. ഇൻഷുറൻസ് കാർഡായി ആശുപത്രികളിൽ

ആരോഗ്യ ഇൻഷുറൻസ് കാർഡ് കൈവശം ഇല്ലെങ്കിലും പേടിക്കണ്ട. 2017 മുതൽ, യുഎഇയിലെ ആരോഗ്യ ഇൻഷുറൻസ് പോളിസികൾ എമിറേറ്റ്‌സ് ഐഡികളുമായി ബന്ധിപ്പിച്ചിട്ടുണ്ട്. ക്ലിനിക്കുകളിലും ആശുപത്രികളിലും ഐഡി സ്വൈപ്പ് ചെയ്യുന്നതിലൂടെ ഡോക്ടർമാർക്ക് നിങ്ങളുടെ ഇൻഷുറൻസ് കവറേജ് വിശദാംശങ്ങൾ എളുപ്പത്തിൽ ആക്‌സസ് ചെയ്യാൻ കഴിയും.

ALSO READ: തീപിടുത്തം ഒഴിവാക്കാൻ കാറുകളിൽ നിന്ന് പ്ലാസ്റ്റിക് വെള്ളക്കുപ്പികൾ നീക്കം ചെയ്യണം; മുന്നറിയിപ്പുമായി ഷാർജ സിവിൽ ഡിഫൻസ് 

6. KYC വിവരങ്ങൾ അപ്‌ഡേറ്റ് ചെയ്യാനുള്ള എളുപ്പവഴി

നിങ്ങളുടെ എമിറേറ്റ്‌സ് ഐഡി പുതുക്കുമ്പോൾ, തടസ്സമില്ലാത്ത സേവനങ്ങൾക്കായി ബാങ്കുകളിലും ടെലികോം ദാതാക്കളിലും നിങ്ങളുടെ കെവൈസി (Know Your Customer) വിവരങ്ങൾ അപ്ഡേറ്റ് ചെയ്യേണ്ടത് അനിവാര്യമാണ്. മിക്ക ബാങ്കുകളും മൊബൈൽ ആപ്പുകൾ, എടിഎമ്മുകൾ, വെബ്‌സൈറ്റുകൾ എന്നിവ വഴി എമിറേറ്റ്‌സ് ഐഡി ഉപയോഗിച്ച് ഈ അപ്‌ഡേറ്റ് എളുപ്പത്തിൽ പൂർത്തിയാക്കാൻ സൗകര്യം ഒരുക്കുന്നു.

7. താമസക്കാർക്ക് പ്രത്യേക ഡിസ്‌കൗണ്ടുകൾ

യുഎഇ നിവാസികൾക്ക് ആഡംബര ഹോട്ടലുകൾ, തീം പാർക്കുകൾ, പ്രശസ്തമായ ആകർഷണങ്ങൾ എന്നിവിടങ്ങളിൽ എമിറേറ്റ്‌സ് ഐഡി കാണിച്ചാൽ പ്രത്യേക കിഴിവുകൾ ലഭിക്കും. അവധിക്കാലത്തോ, പ്രത്യേക സീസണുകളിലോ ഈ ഓഫറുകൾ ലഭ്യമായേക്കാം. ഒരു സ്ഥലം സന്ദർശിക്കുന്നതിന് മുമ്പ് താമസക്കാർക്കുള്ള (Resident Perks) ഡിസ്‌കൗണ്ടുകൾ ഉണ്ടോ എന്ന് പരിശോധിക്കുന്നത് പണം ലാഭിക്കാൻ സഹായിക്കും.

emirates id is more than just an identification card. discover 7 powerful benefits of the emirates id that make everyday life in the uae easier and more convenient.