പീരുമേട്: അനധികൃത മദ്യവില്‍പ്പനയ്ക്കിടയില്‍ രണ്ട് പേരെ പൊലിസ് പിടികൂടി. ഇവരില്‍ നിന്നും 4.5 ലിറ്റര്‍ മദ്യം പിടിച്ചെടുത്തു.പീരുമേട് ചെറുതലയ്ക്കല്‍ പുത്തന്‍വീട്ടില്‍ ശശിധരന്‍ (63), മകളുടെ ഭര്‍ത്താവ് തങ്കക്കുട്ടന്‍ (44) എന്നിവരെയാണ് പീരുമേട് എസ്.ഐ.സി പി സഞ്ജയ്‌യുടെ നേതൃത്വത്തിലുള്ള പൊലിസ് സംഘം പിടികൂടിയത്. ഇന്നലെ വൈകിട്ട് അഞ്ച് മണിയേടെയാണ് സംഭവം. വില്‍പനക്കായി സൂക്ഷിച്ച മദ്യമാണ് പിടികൂടിയത്.
ഓണക്കാല റെയ്ഡിന്റെ ഭാഗമായി നടത്തിയ പരിശോധനയിലാണ് പൊലിസ് സ്‌റ്റേഷന്റെ നൂറു മീറ്റര്‍ അകലെ പ്രവര്‍ത്തിക്കുന്ന ശശിധരന്റെ പെട്ടിക്കടയില്‍ നിന്നും മദ്യം പിടികൂടിയത്.