അബൂദബി: അബൂദബിയിൽ ഒന്നിലധികം ഗതാഗത നിയമലംഘനങ്ങൾ നടത്തിയ അഞ്ച് ഡ്രൈവർമാരെ പൊലിസ് പിടികൂടി. അശ്രദ്ധമായ ഓവർടേക്കിംഗ്, ലെയ്ൻ അച്ചടക്കലംഘനം, സുരക്ഷിതമല്ലാത്ത ഡ്രൈവിംഗ് രീതികൾ എന്നിവയുടെ പേരിലാണ് നടപടി.

ALSO READ: യുഎഇയിലെ ചില സ്കൂളുകൾക്ക് ശൈത്യകാല അവധിയിൽ കുറവ്; കാരണം ഇത് 

പ്രധാന നിയമലംഘനങ്ങൾ

1. അടിയന്തര വാഹനങ്ങൾക്കായി നീക്കിവെച്ചിട്ടുള്ള റോഡ് ഷോൾഡറിലൂടെ ഓവർടേക്ക് ചെയ്യൽ.
2. മുന്നിലുള്ള വാഹനവുമായി സുരക്ഷിതമായ അകലം പാലിക്കാതിരിക്കുക.
3. ശരിയായ ലെയ്നിൽ തുടരാതിരിക്കുക.
4. വാഹനങ്ങളെ വലതുവശത്തു കൂടി മറികടക്കുക.

അടിയന്തര സാഹചര്യങ്ങളിൽ റോഡ് ഷോൾഡർ ഉപയോഗിക്കുന്നത് ആംബുലൻസ് പോലുള്ള വാഹനങ്ങൾക്ക് അപകടസ്ഥലങ്ങളിൽ വേഗത്തിലെത്താനും ജീവൻ രക്ഷിക്കാനും അത്യന്താപേക്ഷിതമാണ്. അതിനാൽ, അടിയന്തര സാഹചര്യങ്ങളിലല്ലാതെ റോഡിന്റെ ഈ ഭാഗം ഉപയോഗിക്കുന്നത് പൂർണ്ണമായും നിരോധിച്ചിരിക്കുന്നുവെന്ന് അബൂദബി പൊലിസ് ഓർമ്മിപ്പിച്ചു.

കൂടാതെ, മുൻകൂർ മുന്നറിയിപ്പില്ലാതെ പെട്ടെന്ന് വാഹനം നിർത്തുന്നത് ഒഴിവാക്കണമെന്നും, വാഹനങ്ങളെ ഇടതുവശത്തുകൂടി മാത്രമേ മറികടക്കാവൂ എന്നും അധികൃതർ നിർദ്ദേശം നൽകി. റോഡിന്റെ അവസ്ഥ ശ്രദ്ധിക്കാതെയും സൂചന നൽകുകയോ നിരീക്ഷിക്കുകയോ ചെയ്യാതെയും അശ്രദ്ധമായും വേഗത്തിലും ലെയ്‌നുകൾ മാറ്റി ഓടിക്കുന്ന ഡ്രൈവർമാർക്കും കർശന മുന്നറിയിപ്പ് നൽകിയിട്ടുണ്ട്.

ALSO READ: വ്യക്തിഗത വായ്പകൾക്ക് 5,000 ദിർഹം ശമ്പളം നിർബന്ധമില്ല; യുഎഇ ബാങ്കുകൾ എല്ലാ താമസക്കാർക്കും വായ്പ നൽകുമോ? 

ദുബൈയിലും കർശന നടപടി

അബൂദബിയിൽ ഈ നടപടി സ്വീകരിച്ച ദിവസം തന്നെയാണ്, ദുബൈയിലും സമാനമായ നടപടി റിപ്പോർട്ട് ചെയ്തത്. അശ്രദ്ധമായി വാഹനമോടിച്ചതിന്റെ പേരിൽ ദുബൈ പൊലിസ് 210 മോട്ടോർ സൈക്കിളുകളും ഇ-സ്കൂട്ടറുകളും പിടിച്ചെടുത്തിരുന്നു. ഗതാഗത നിയമങ്ങൾ കർശനമായി പാലിച്ച് റോഡുകളിൽ പൊതു സുരക്ഷ നിലനിർത്തണമെന്ന് അധികൃതർ ആവശ്യപ്പെട്ടു.

abu dhabi police have launched a strict crackdown on careless driving, apprehending multiple traffic violators to enhance road safety and reduce dangerous behavior on the emirate’s roads.