മംഗളൂരു: പാകിസ്താന് വേണ്ടി ചാരപ്പണി നടത്തിയ രണ്ട് യുപി സ്വദേശികളെ കര്‍ണാടക പൊലിസ് അറസ്റ്റ് ചെയ്തു. ഉത്തര്‍പ്രദേശ് സ്വദേശികളായ രോഹിത്, സാന്ദ്രി എന്നിവരാണ് പിടിയിലായത്. കൊച്ചിന്‍ ഷിപ്പ് യാര്‍ഡിന് കീഴിലുള്ള മാല്‍പെ യൂണിറ്റില്‍ ജോലി ചെയ്ത് വരികയായിരുന്നു ഇരുവരും. മാസങ്ങളായി കപ്പല്‍ ശാലയിലെ തന്ത്രപ്രധാന വിവരങ്ങള്‍ ഇരുവരും ചേര്‍ന്ന് പാകിസ്താന് ചോര്‍ത്തി നല്‍കിയിരുന്നതായി അന്വേഷണ സംഘം അറിയിച്ചു. 

രാജ്യത്തെ പ്രതിരോധ മേഖലയില്‍ പ്രവര്‍ത്തിക്കുന്ന സുപ്രധാന കപ്പല്‍ നിര്‍മ്മാണശാലയാണ് മാല്‍പെയിലേത്. സുഷമ മറൈന്‍ പ്രൈവറ്റ് ലിമിറ്റഡ് വഴിയാണ് പ്രതികള്‍ സ്ഥാപനത്തില്‍ കരാര്‍ ജോലിക്കാരായി പ്രവേശിച്ചത്. 18 മാസത്തിലേറെയായി ഇരുവരും ചാരപ്രവര്‍ത്തനം നടത്തിയതായി അന്വേഷണത്തില്‍ വ്യക്തമായി. ഇന്ത്യന്‍ നാവിക സേനയ്ക്കും, സ്വകാര്യ ക്ലയിന്റുകള്‍ക്കും വേണ്ടി നിര്‍മ്മിക്കുന്ന കപ്പലുകളുടെ വിശദാംശങ്ങള്‍ ചോര്‍ത്തിയതായാണ് റിപ്പോര്‍ട്ട്. വാട്‌സ്ആപ്പ് മുഖേന വിവരങ്ങള്‍ പാകിസ്താനിലെ ഹാന്‍ഡ്‌ലര്‍മാര്‍ക്ക് അയച്ചതായാണ് വിവരം. 

ALSO READ: ദുബൈ എയര്‍ഷോയ്ക്കിടെ ഇന്ത്യയുടെ തേജസ് യുദ്ധവിമാനം തകര്‍ന്നുവീണു; പൈലറ്റ് കൊല്ലപ്പെട്ടു

കൊച്ചിന്‍ ഷിപ്പ് യാര്‍ഡ് സിഇഒയുടെ പരാതിയിന്മേലാണ് കര്‍ണാടക പൊലിസ് പ്രതികളെ അറസ്റ്റ് ചെയ്തത്. പ്രതിരോധ മേഖലയിലെ നിര്‍ണായക വിവരങ്ങള്‍ ചോര്‍ന്നത് ദേശീയ സുരക്ഷയെ ബാധിക്കുന്ന വിശയമാണ്. പ്രതികള്‍ പിടിയിലായതിന് പിന്നാലെ തീരദേശ മേഖലയില്‍ വന്‍ സുരക്ഷ ജാഗ്രത നിര്‍ദേശം പുറപ്പെടുവിച്ചിട്ടുണ്ട്.

Two people from Uttar Pradesh—Rohit and Sandhri—were arrested by Karnataka Police on charges of spying for Pakistan. The case highlights cross-state law enforcement collaboration in national security