ദുബൈ: ഈ വർഷത്തെ ഏറ്റവും വലിയ കമ്യൂണിറ്റി ഫിറ്റ്‌നസ് ഇവന്റുകളിലൊന്നായ 'ദുബൈ റൺ 2025' നടക്കുന്നതിനാൽ, നവംബർ 23 ഞായറാഴ്ച ദുബൈയിലെ നിരവധി പ്രധാന റോഡുകളിൽ ഗതാഗത നിയന്ത്രണം ഏർപ്പെടുത്തുമെന്ന് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർ.ടി.എ) അറിയിച്ചു. ദുബൈ ഫിറ്റ്‌നസ് ചലഞ്ചിന്റെ ഭാഗമായ ഈ മത്സരത്തിൽ പങ്കെടുക്കുന്ന ആയിരക്കണക്കിന് ഓട്ടക്കാർക്ക് സുരക്ഷ ഉറപ്പാക്കുന്നതിന്റെ ഭാഗമായാണ് റോഡുകൾ അടച്ചിടുന്നത്.

ALSO READ: അശ്രദ്ധമായ ഡ്രൈവിംഗ്; നിയമലംഘകരെ പിടികൂടി അബുദാബി പൊലിസ് 

ഗതാഗത നിയന്ത്രണ സമയം

നിയന്ത്രണങ്ങൾ ഞായറാഴ്ച പുലർച്ചെ 3 മണി മുതൽ രാവിലെ 10 മണി വരെ പ്രാബല്യത്തിൽ ഉണ്ടാകും. ഈ സമയപരിധിയിൽ യാത്ര ചെയ്യുന്നവർ മുൻകൂട്ടി ആസൂത്രണം ചെയ്യാനും അധിക യാത്രാ സമയം കണക്കിലെടുക്കാനും ആർ.ടി.എ അഭ്യർത്ഥിച്ചു.

അടച്ചിടുന്ന പ്രധാന റോഡുകൾ

1. ട്രേഡ് സെന്റർ റൗണ്ട്എബൗട്ടിനും അൽ ഹാദിഖ് റോഡ് പാലത്തിനും ഇടയിലുള്ള ഷെയ്ഖ് സായിദ് റോഡിന്റെ ഒരു ഭാഗം.
2. ഷെയ്ഖ് സായിദ് റോഡിനും അൽ ഖൈൽ റോഡിനും ഇടയിലുള്ള ലോവർ ഫിനാൻഷ്യൽ സെന്റർ സ്ട്രീറ്റ്.
3. ഷെയ്ഖ് മുഹമ്മദ് ബിൻ റാഷിദ് ബൊളിവാർഡ് (വൺവേ ദിശ).
4. അൽ സുക്കൂക്ക് സ്ട്രീറ്റിന്റെ വൺവേ ലെയ്ൻ.
5. ഓട്ടത്തിന്റെ റൂട്ടിന് സമാന്തരമായുള്ള പാർക്കിംഗ് ഏരിയകളും അടച്ചിടും.

ALSO READ: യുഎഇയിലെ ചില സ്കൂളുകൾക്ക് ശൈത്യകാല അവധിയിൽ കുറവ്; കാരണം ഇത്

ബദൽ വഴികൾ

ഗതാഗതക്കുരുക്ക് ഒഴിവാക്കാനും ലക്ഷ്യസ്ഥാനങ്ങളിലേക്ക് കൃത്യസമയത്ത് എത്താനും ഡ്രൈവർമാർ ഈ ബദൽ റോഡുകൾ ഉപയോഗിക്കണമെന്ന് ആർ.ടി.എ നിർദ്ദേശിച്ചു:

1. അപ്പർ ഫിനാൻഷ്യൽ സെന്റർ സ്ട്രീറ്റ്
2. സബീൽ പാലസ് റോഡ്
3. അൽ വാസൽ റോഡ്
4. അൽ ഖൈൽ റോഡ്

dubai run 2025 will take place this sunday, leading to temporary closures of key roads across the city. authorities urge residents and commuters to plan their travel ahead to avoid delays.