റിയാദ്: റിയാദില്‍ മംഗലാപുരം സ്വദേശി നെഞ്ച് വേദനയെ തുടര്‍ന്ന് മരിച്ചു. കല്ലടക അബ്ദുസമദ് (60) ആണ് മരിച്ചത്. നെഞ്ച് വേദനയെ തുടര്‍ന്ന് ബത്ഹയിലെ ക്ലിനിക്കില്‍ എത്തിച്ചെങ്കിലും ജീവന്‍ രക്ഷിക്കാനായില്ല. 
റിയാദില്‍ ലാന്‍ഡ്രി ജീവനക്കാരനായി ജോലി ചെയ്ത് വരികയായിരുന്നു. ദമാമില്‍ ജോലി ചെയ്യുന്ന മകന്‍ മുഹമ്മദ് ഷഹീദ് മരണ വിവരം അറിഞ്ഞ് റിയാദില്‍ എത്തിയിട്ടുണ്ട്. ഭാര്യ: റുഖിയ. മുഹമ്മദ് അഫ്രീദ് മറ്റൊരു മകനാണ്.
ശുമൈസി ഹോസ്പിറ്റലിലെ മോര്‍ച്ചറിയിലുള്ള മയ്യിത്ത് നാട്ടിലെത്തിച്ച് മറവ് ചെയ്യും. റിയാദിലെ മലപ്പുറം ജില്ലാ കെഎംസിസി വെല്‍ഫെയര്‍ വിങ്ങിന്റെ നേതൃത്വത്തില്‍ ആണ് നടപടികള്‍ പുരോഗമിക്കുന്നത്. വെല്‍ഫെയര്‍ വിങ് ചെയര്‍മാന്‍ റഫീഖ് മഞ്ചേരി, റഫീഖ് ചെറുമുക്ക്, നസീര്‍ കണ്ണീരി, ഹാഷിം തോട്ടത്തില്‍, ഇസഹാഖ് താനൂര്‍, ജാഫര്‍ വീമ്പൂര്‍ എന്നിവര്‍ നടപടികള്‍ക്ക് നേതൃത്വം നല്‍കി രംഗത്തുണ്ട്.