ലണ്ടൻ: ഒമാൻ ദേശീയ ദിനത്തോടനുബന്ധിച്ച്, പുതിയ പുസ്തകം പ്രകാശനം ചെയ്ത് ഒമാൻ പൈതൃക ടൂറിസം മന്ത്രാലയം. സാംസ്കാരിക, കായിക, യുവജനകാര്യ മന്ത്രാലയവുമായി സഹകരിച്ചാണ് ഈ പുസ്തകപ്രകാശനം. പ്രശസ്ത പ്രസാധകരായ 'അസൗളിൻ' (Assouline) അവരുടെ യാത്രാ പരമ്പരയുടെ ഭാഗമായി പുറത്തിറക്കിയ 'ഒമാൻ ഒഡീസി' (Oman Odyssey) എന്ന പുസ്തകമാണ് പ്രകാശനം ചെയ്തത്. 

ഒമാന്റെ സമ്പന്നമായ പൈതൃകത്തെയും സംസ്കാരത്തെയും ആദരിച്ചുകൊണ്ട് 2025 നവംബർ 24-ന് ലണ്ടനിലെ മെയ്‌സൺ അസൗളിനിൽ വെച്ചായിരുന്നു പുസ്തകത്തിന്റെ ഔദ്യോഗി പ്രകാശനം നടന്നത്. സാംസ്കാരിക, കായിക, യുവജനകാര്യ മന്ത്രാലയവും പൈതൃക ടൂറിസം മന്ത്രാലയവും ചേർന്ന് സംഘടിപ്പിച്ച സ്വകാര്യ പരിപാടിയിലായിരുന്നു പ്രകാശനം.

ALSO READ: സഊദിയിൽ ജിമ്മുകളിലും സ്പോർട്സ് സെന്ററുകളിലും സ്വദേശിവത്കരണം: കൂടുതൽ തസ്തികകളിൽ സ്വദേശികളെ നിയമിക്കും; നിയമനം അടുത്ത വർഷം മുതൽ

ഒമാന്റെ ചരിത്രം, പാരമ്പര്യം, അതിമനോഹരമായ പ്രകൃതി ദൃശ്യങ്ങൾ എന്നിവയെല്ലാം അവതരിപ്പിക്കുന്നതാണ് 'ഒമാൻ ഒഡീസി' എന്ന പുസ്തകം. ഇതിനായി, ആകർഷകമായ വിവരണവും മികച്ച ചിത്രങ്ങളും ഈ പുസ്തകത്തിൽ സംയോജിപ്പിച്ചിട്ടുണ്ട്. ലോകത്തിന് മുന്നിൽ ഒമാന്റെ അതുല്യമായ സൗന്ദര്യത്തെയും സാംസ്കാരിക പ്രാധാന്യത്തെയും കുറിച്ച് കൂടുതൽ അവബോധം വളർത്തുകയാണ് ഈ പുസ്തകം ലക്ഷ്യമിടുന്നത്.

The Ministry of Heritage and Tourism, in collaboration with the Ministry of Culture, Sports and Youth, has launched the book "Oman Odyssey" by Assouline, a renowned publishing house, as part of their travel series.