കോഴിക്കോട്: മദ്യലഹരിയില്‍ അന്തര്‍സംസ്ഥാന ബസ് ഓടിച്ച് സ്വകാര്യ ബസ് ഡ്രൈവര്‍. കോഴിക്കോട് - ബംഗളൂരു റൂട്ടിലോടുന്ന ഭാരതി ബസാണ് യാത്രക്കാരുടെ ജീവന്‍ വച്ച് പന്താടിയത്. ഡ്രൈവറും ക്ലീനറും മദ്യ ലഹരിയിലായിരുന്നു. ഇവരെ യാത്രക്കാര്‍ ചോദ്യം ചെയ്യുകയും ദൃശ്യം പകര്‍ത്തുകയും ചെയ്തു.

ചോദ്യം ചെയ്ത യാത്രക്കാരോട് എല്ലാവരെയും വാഹനം ഇടിപ്പിച്ച് കൊല്ലുമെന്നാണ് ഡ്രൈവര്‍ ഭീഷണിപ്പെടുത്തിയത്. ടോള്‍ പ്ലാസയില്‍ വാഹനം നിര്‍ത്തിയപ്പോള്‍ മദ്യക്കുപ്പിയുമായി ഡ്രൈവര്‍ ഇറങ്ങിയോടുകയും ചെയ്തു. ഈ സമയമത്രയും മദ്യപിച്ച് ലക്കുകെട്ട് ബസില്‍ കിടക്കുകയായിരുന്നു ക്ലീനര്‍.

ദൃശ്യങ്ങള്‍ യാത്രക്കാര്‍ പുറത്ത് വിട്ടിട്ടും ബസുടമയ്ക്ക് യാതൊരു കൂസലുമില്ല. തൊട്ടടുത്ത ദിവസവും ഇതേ ഡ്രൈവറെ കൊണ്ട് തന്നെയാണ് ബസ് ഓടിപ്പിച്ചതായാണ് പുറത്തുവന്ന വിവരം.

A shocking incident was reported from Kozhikode, where the driver of an inter-state private bus operating on the Kozhikode–Bengaluru route (Bharathi Bus) was found driving under the influence of alcohol. Both the driver and the cleaner were reportedly drunk. Passengers confronted them and recorded the visuals. When questioned, the driver threatened to run over the passengers, endangering everyone on board. At a toll plaza, he got off the bus and ran away with a liquor bottle, while the cleaner remained heavily intoxicated, lying inside the bus.