ജയ്പൂര്‍: വിള ഇന്‍ഷുറന്‍സ് തുക നിഷേധിച്ചതില്‍ കര്‍ഷകന് നിരാശ. പ്രതിഷേധിച്ചതോ വ്യത്യസ്ത രീതിയിലും. രാജസ്ഥാനിലാണ് സംഭവം. പാടത്ത് 500 രൂപയുടെ കറന്‍സി നോട്ടുകള്‍ നട്ടായിരുന്നു നൗഗാര്‍ ജില്ലയിലെ കര്‍ഷകന്റെ വിചിത്രമായ പ്രതിഷേധം. കര്‍ഷകന്‍ തന്നെ റെക്കോര്‍ഡ് ചെയ്ത വിഡിയോ സോഷ്യല്‍ മീഡിയയില്‍ വൈറലായിട്ടുണ്ട്.

ദിയോറിയ ജാതന്‍ ഗ്രാമത്തിലെ താമസക്കാരനായ മല്ലറാം ബവാരി പരുത്തിക്കൃഷി ചെയ്യുന്നതിനായി ബാങ്കില്‍ നിന്ന് ഒരു ലക്ഷം രൂപ വായ്പ എടുത്തിരുന്നു. എന്നാല്‍ കനത്ത മഴ പെയ്തതിനാല്‍ പാടത്ത് വെള്ളം കയറുകയും കൃഷി നശിച്ചുപോവുകയും ചെയ്തു. ആകെ 4,000 രൂപയുടെ വിളവ് മാത്രമാണ് കര്‍ഷകനു ലഭിച്ചത്.

വിളകള്‍ ഇന്‍ഷുര്‍ ചെയ്തിരുന്നിട്ടും നഷ്ടപരിഹാരം കിട്ടിയില്ലെന്നാണ് ബാവരി പറയുന്നത്. ഇന്‍ഷുറന്‍സ് കമ്പനിയുടെ ടോള്‍ ഫ്രീ നമ്പറില്‍ പരാതി നല്‍കിയിട്ടും കൃഷി നശിച്ചത് പരിശോധിക്കാന്‍ ആരും എത്തിയില്ല. ഇതില്‍ നിരാശനായാണ് ബാവരി നശിച്ചു പോയ വിളകള്‍ക്ക് പകരം പാടത്ത് 500 രൂപയുടെ കറന്‍സി നോട്ടുകള്‍ നട്ടിരിക്കുന്നത്. വിള ഇന്‍ഷുര്‍ ചെയ്തിട്ടും നഷ്ടപരിഹാരം നല്‍കിയില്ലെന്നും ബവാരി പരാതിപ്പെടുന്നു.

ഇന്‍ഷുറന്‍സ് കമ്പനിയുടെ ടോള്‍ ഫ്രീ നമ്പറില്‍ പരാതി നല്‍കിയെങ്കിലും ഒരു ഉദ്യോഗസ്ഥനും തന്റെ കൃഷിയിടം സന്ദര്‍ശിച്ച് നാശനഷ്ടങ്ങള്‍ വിലയിരുത്തിയില്ലെന്നും കര്‍ഷകന്‍ ആരോപിക്കുന്നു. ഇതില്‍ പ്രകോപിതനായ ബവാരി വിള നാശം സംഭവിച്ച പാടത്ത് പ്രതീകാത്മകമായി 500 രൂപ നട്ട് പ്രതിഷേധിക്കുകയായിരുന്നു.

A farmer in Rajasthan’s Nagaur district staged a unique protest after his crop-insurance claim was denied. Mallar Ram Bawari, from Deoriyan Jatan village, had taken a ₹1 lakh bank loan to cultivate cotton. Heavy rains flooded his field, destroying most of the crop, leaving him with only ₹4,000 worth of yield.Despite having crop insurance, he says he received no compensation. Even after registering a complaint on the insurer’s toll-free number, no officials came for inspection.Frustrated, the farmer planted ₹500 currency notes in his field as a symbolic protest and recorded a video, which has since gone viral on social media.