കല്‍പ്പറ്റ: മുസ്‌ലിം ലീഗ് മെമ്പര്‍ഷിപ്പ് കാംപയിന്റെ ഭാഗമായുള്ള പ്രവര്‍ത്തനങ്ങള്‍ സമയബന്ധിതമായി പൂര്‍ത്തീകരിക്കാന്‍ കല്‍പ്പറ്റയില്‍ ചേര്‍ന്ന നിയോജക മണ്ഡലം മുസ്‌ലിം ലീഗ് കണ്‍വന്‍ഷന്‍ തീരുമാനിച്ചു. സെപ്തംബര്‍ 16,17, 18 തിയതികളില്‍ പഞ്ചായത്ത് കണ്‍വന്‍ഷനുകള്‍ നടത്താനും തീരുമാനിച്ചു. പഞ്ചായത്ത് തല തെരഞ്ഞെടുപ്പ് സമിതികള്‍ക്ക് കണ്‍വന്‍ഷന്‍ രൂപം നല്‍കി. ജില്ലാ ജനറല്‍ സെക്രട്ടറി കെ.കെ.അഹമ്മദ് ഹാജി കണ്‍വന്‍ഷന്‍ ഉദ്ഘാടനം ചെയ്തു. മണ്ഡലം പ്രസിഡന്റ് റസാക്ക് കല്‍പ്പറ്റ അധ്യക്ഷനായി. തെരഞ്ഞെടുപ്പ് സമിതി കണ്‍വീനര്‍ ജില്ലാ ലീഗ് സെക്രട്ടറി ടി.മുഹമ്മദ് കാംപയിന്‍ വിശദീകരണം നടത്തി. ജില്ലാ ലീഗ് ഭാരവാഹികളായ പി.കെ.അബൂബക്കര്‍, കെ .സി.മായന്‍ ഹാജി, കണ്ണോളി മുഹമ്മദ്, സി.മൊയ്തീന്‍ കുട്ടി, ലീഗ് നേതാക്കളായ പി.ആലി ഹാജി, എന്‍.കെ.റഷീദ്, പയന്തോത്ത് മൂസ ഹാജി, സലാം നീലിക്കണ്ടി, യൂത്ത് ലീഗ് സംസ്ഥാന സെക്രട്ടറി കെ.എ മുജീബ്, യൂത്ത് ലീഗ് ജനറല്‍ സെക്രട്ടറി പി.ഇസ്മായില്‍, കെ.എം തൊടി മുജീബ്, സി.ടി.ഉനൈസ്, ലുക്ക്മാനുല്‍ ഹക്കീം വി.പി.സി സംസാരിച്ചു. ജനറല്‍ സെക്രട്ടറി ടി.ഹംസ സ്വാഗതവും സെക്രട്ടറി സലീം മേമന നന്ദിയും പറഞ്ഞു.