ദുബൈ: മാലിദ്വീപിലെ വെലാന അന്താരാഷ്ട്ര വിമാനത്താവളത്തിൽ ലാന്റിംഗിനിടെ ഉണ്ടായ അപകടത്തിൽ തങ്ങളുടെ വിമാനത്തിന് കേടുപാടുകൾ സംഭവിച്ചതായി ഫ്ലൈദുബൈ. വിമാനത്തിൽ ഉണ്ടായിരുന്ന എല്ലാ യാത്രികർക്കും ലഭ്യമായ അടുത്ത വിമാനത്തിൽ യാത്ര ചെയ്യാൻ സൗകര്യമൊരുക്കിയതായും ഫ്ലൈദുബൈ അധികൃതർ അറിയിച്ചു.

'ഡിസംബർ 4-ന് വെലാന അന്താരാഷ്ട്ര വിമാനത്താവളത്തിൽ ലാന്റിംഗ് നടത്തുന്നതിനിടെ ഞങ്ങളുടെ വിമാനം അപകടത്തിൽപ്പെട്ടു. വിമാനത്തിൽ ഉണ്ടായിരുന്ന മുഴുവൻ യാത്രികരും ഞങ്ങളുടെ ജീവനക്കാരും സുരക്ഷിതരാണ്. യാത്രികർക്ക് അടുത്ത വിമാനത്തിൽ യാത്ര ചെയ്യാനുള്ള സൗകര്യം ഏർപ്പെടുത്തിയിട്ടുണ്ട്,' ഫ്ലൈദുബൈ വക്താവ് വ്യക്തമാക്കി.

ALSO READ: ഇനി കാത്തിരുന്ന് മുഷിയില്ല; യുഎഇയിൽ പാസ്‌പോർട്ട്, എമിറേറ്റ്‌സ് ഐഡി പുതുക്കൽ നടപടികൾ അതിവേഗത്തിലാക്കുന്നു 

അപകടത്തിൽ ഒരു വിമാനത്തിന്റെ ചിറകിന്റെ ഘടനയ്ക്ക് കേടുപാടുകൾ സംഭവിച്ചതായി റിപ്പോർട്ടുണ്ട്. അപകടത്തിൽ കേടുപാടുകൾ സംഭവിച്ച വിമാനം അറ്റകുറ്റപ്പണികൾക്ക് വിധേയമാക്കും. എന്നാൽ കമ്പനിയുടെ ഏത് വിമാനത്തിനാണ് കേടുപാടുണ്ടായതെന്ന് വ്യക്തമല്ല.

നേരത്തെ, യുകെയിലെ മാഞ്ചസ്റ്റർ വിമാനത്താവളത്തിൽ ഇന്ധന ടാങ്കർ ഇടിച്ചതിനെ തുടർന്ന് എമിറേറ്റ്‌സ് എയർബസ് എ380 വിമാനത്തിന് കേടുപാടുകൾ സംഭവിച്ചതായി റിപ്പോർട്ട് ചെയ്തിരുന്നു. വിമാനത്തിന്റെ എഞ്ചിൻ കൗളിംഗിൽ (Engine Cowling) ഒരു ദ്വാരം ഉണ്ടായതായും വ്യോമയാന മാധ്യമങ്ങൾ റിപ്പോർട്ട് ചെയ്തിരുന്നു.

"ഞങ്ങളുടെ യാത്രക്കാരുടെയും ജീവനക്കാരുടെയും സുരക്ഷ എല്ലായ്‌പ്പോഴും ഞങ്ങളുടെ ഏറ്റവും ഉയർന്ന മുൻഗണനയായി തുടരുന്നു," മാലദ്വീപ് സംഭവത്തിന് ശേഷം ഫ്ലൈദുബൈ വക്താവ് പ്രസ്താവനയിൽ പറഞ്ഞു.

ALSO READ: ദുബൈയിലെ ജ്വല്ലറി വിപണി കീഴടക്കാൻ 14 കാരറ്റ് സ്വർണ്ണം: കുറഞ്ഞ വില, ഉയർന്ന സാധ്യത; ലക്ഷ്യം വജ്രാഭരണ പ്രിയർ

അതിനിടെ, യുഎഇ നിവാസികൾക്കും ആഗോള സഞ്ചാരികൾക്കും പ്രിയപ്പെട്ട വിനോദസഞ്ചാര കേന്ദ്രമായ മാലിദ്വീപിലെ വെലാന അന്താരാഷ്ട്ര വിമാനത്താവളം (Velana International Airport) വികസിപ്പിക്കാനുള്ള നീക്കങ്ങൾ പുരോഗമിക്കുകയാണ്. പ്രധാന വിമാനത്താവളത്തിലെ തിരക്ക് കാരണമാണ് വികസനം വേഗത്തിലാക്കുന്നത്. ദ്വീപ് രാഷ്ട്രത്തിലെ വർദ്ധിച്ചുവരുന്ന വിദേശ വിനോദസഞ്ചാരികളെ ഉൾക്കൊള്ളുന്നതിനായാണ് ഈ വികസന പ്രവർത്തനങ്ങൾ.

flydubai flight experiences damage during landing, authorities investigate cause while ensuring passenger safety and assessing aircraft condition thoroughly