കോഴിക്കോട്: കോഴിക്കോട് കോര്‍പറേഷനില്‍ എല്‍.ഡി.എഫിന്റെയും യു.ഡി.എഫിന്റെയും മേയര്‍ സ്ഥാനാര്‍ഥികള്‍ക്ക് തോല്‍വി. നിലവിലെ ഡെപ്യൂട്ടി മേയറായ എല്‍.ഡി.എഫിന്റെ സി.പി മുസാഫര്‍ അഹമ്മദും കെ.പി.സി.സി ജനറല്‍ സെക്രട്ടറിയായ നിയാസ് പാറോപ്പടിയുമാണ് തോറ്റത്. 

കോര്‍പ്പറേഷന്‍ 39-ാം വാര്‍ഡായ മീഞ്ചന്തയില്‍ നിന്നായിരുന്നു മുസാഫിര്‍ ജനവിധി തേടിയത്. യു.ഡി.എഫ് സ്ഥാനാര്‍ഥി എസ്.കെ അബൂബക്കറാണ് ഇവിടെ വിജയിച്ചത്.നേരത്തെ ബി.ജെ.പിയുടെ സിറ്റിങ് വാര്‍ഡായ ഇവിടെ ഇക്കുറി വാര്‍ഡ് പൂര്‍ണമായി പുനര്‍നിര്‍ണയിക്കപ്പെട്ടു. 

2010ല്‍ മുസാഫര്‍ ആദ്യമായി കൗണ്‍സിലറായിരുന്ന പയ്യാനക്കല്‍ വാര്‍ഡിന്റെ ഭൂരിഭാഗവും കൂട്ടിച്ചേര്‍ത്താണ് ഇത്തവണവാര്‍ഡ് വിഭജനശേഷം നിലവിലെ 39-ാം വാര്‍ഡുണ്ടായത്. അതേസമയം, പാറോപ്പടിയില്‍ നിന്നാണ് യു.ഡി.എഫിന്റെ മേയര്‍ സ്ഥാനാര്‍ഥിയായ നിയാസ് ജനവിധി തേടിയിരുന്നത്.

ബീന ഫിലിപ്പിന്റെ വാര്‍ഡില്‍ ബിജെപിക്ക് വിജയം

അതേസമയം നിലവിലെ മേയര്‍ ബീന ഫിലിപ്പിന്റെ വാര്‍ഡായ പൊറ്റമ്മലില്‍ ബിജെപിയാണ് വിജയിച്ചത്. നിലവിലെ കോര്‍പ്പറേഷനിലെ ബിജെപി കൗണ്‍സിലറായ ടി. രജനീഷാണ് പൊറ്റമ്മലില്‍ ജയിച്ചത്. കഴിഞ്ഞ തെരഞ്ഞെടുപ്പില്‍ ബീന ഫിലിപ്പ് 652 വോട്ടിനു വിജയിച്ച വാര്‍ഡില്‍ എല്‍ഡിഎഫിന്റെ അജയ് കുമാറിനെ 168 വോട്ടിനാണ് രജനീഷ് പരാജയപ്പെടുത്തിയത്. രജനീഷ് 1425 വോട്ടും അജയ് കുമാര്‍ 1257 വോട്ടും നേടി. 

Both the LDF and UDF mayoral candidates suffered defeats in the Kozhikode Corporation elections. LDF mayor candidate and current Deputy Mayor C.P. Musafar Ahmed lost from the 39th ward, Meenchanda, where UDF candidate S.K. Abubacker emerged victorious. The ward, which was earlier held by the BJP, was completely reconstituted during the latest ward delimitation process.