കോഴിക്കോട് : 2026 ഫെബ്രുവരി 4 മുതല്‍ 8 വരെ കാസര്‍ഗോഡ് കുണിയ വരക്കല്‍ മുല്ലക്കോയ തങ്ങള്‍ നഗറില്‍ നടക്കുന്ന സമസ്ത 100-ാം വാര്‍ഷിക മഹാ സമ്മേളനത്തിന്റെ പ്രചാരണാര്‍ത്ഥം ഡിസംബര്‍ 19ന് പതാക ദിനം ആചരിക്കുന്നു.
100-ാം വാര്‍ഷികത്തിന്റെ പ്രതീകമായി 100 പതാകകളാണ് മഹല്ല്, മദ്‌റസ, സ്ഥാപന തലങ്ങളിലും പ്രത്യേകം തെരഞ്ഞെടുക്കപ്പെട്ട കേന്ദ്രങ്ങളിലും ഉയര്‍ത്തുക. മഹല്ല്, മദ്‌റസ, സ്ഥാപന കമ്മിറ്റി ഭാരവാഹികള്‍, സമസ്തയുടെയും പോഷക സംഘടനകളുടെയും നേതാക്കള്‍ നേതൃത്വം നല്‍കും.

പ്രത്യേകം ഡിസൈന്‍ ചെയ്ത മാതൃകയിലാണ് പതാക നാട്ടുക. ഡിസംബര്‍ 19 മുതല്‍ കന്യാകുമാരിയില്‍ നിന്ന് ആരംഭിക്കുന്ന സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളുടെ നേതൃത്വത്തിലുള്ള സമസ്ത ശതാബ്ദി സന്ദേശ യാത്ര സംബന്ധിച്ചും അന്നേ ദിവസം നടക്കുന്ന പതാക ദിനത്തെ കുറിച്ചും പള്ളികളില്‍ ഖത്തീബുമാര്‍ ഉദ്‌ബോധനം നടത്തും.

as part of the samasta 100th anniversary international grand conference, the flag day will be observed on december 19 with various programmes and public participation.