കാസര്‍കോട്: പരീക്ഷ കഴിഞ്ഞ് വീട്ടിലെത്തിയ ഒന്‍പതാംക്ലാസ് വിദ്യാര്‍ത്ഥിയെ വീട്ടിലെ കിടപ്പുമുറിയില്‍ തൂങ്ങിമരിച്ച നിലയില്‍ കണ്ടെത്തി. ബെള്ളൂര്‍ കുഞ്ചത്തോടിയിലെ ജയകരയുടെയും അനിതയുടെയും മകന്‍ പ്രജ്വല്‍ (14) ആണ് മരിച്ചത്. ബെള്ളൂര്‍ ഗവ. ഹൈസ്‌കൂളിലെ ഒന്‍പതാംക്ലാസ് വിദ്യാര്‍ഥിയാണ്.

പ്രജ്വല്‍ പരീക്ഷ കഴിഞ്ഞ് തിങ്കളാഴ്ച ഉച്ചക്ക് വീട്ടില്‍ തിരിച്ചെത്തിയതായിരുന്നു. പ്രജ്വലിന്റെ അമ്മ അനിത മുള്ളേരിയ സ്‌കൂളില്‍ പഠിക്കുന്ന മകള്‍ പ്രയാഗയെ കൂട്ടിക്കൊണ്ടുവരാന്‍ പോയതിനാല്‍ വിദ്യാര്‍ഥി വീട്ടില്‍ തനിച്ചായിരുന്നു. അനിത മകളെയും കൂട്ടി വീട്ടില്‍ തിരിച്ചെത്തിയപ്പോഴാണ് പ്രജ്വലിനെ കിടപ്പുമുറിയിലെ ഹുക്കില്‍ തൂങ്ങിമരിച്ച നിലയില്‍ കണ്ടത്.

ALSO READ: മലപ്പുറം കണ്ണമംഗലത്ത് യുവതിയെ തൂങ്ങിമരിച്ച നിലയിൽ കണ്ടെത്തി; ദുരൂഹത ആരോപിച്ച് ബന്ധുക്കൾ

പരീക്ഷ ഉച്ചയ്ക്ക് ശേഷമാണെന്ന് കരുതി 11 മണിയോടെയാണ് പ്രജ്വല്‍ സ്‌കൂളിലെത്തിയത്.സമയം കഴിഞ്ഞിട്ടും പ്രജ്വലിനെ പരീക്ഷ എഴുതാന്‍ അനുവദിച്ചിരുന്നുവെന്ന് അധ്യാപകര്‍ പൊലിസിനോട് പറഞ്ഞു. വേറെ എന്തെങ്കിലും പ്രശ്‌നം പ്രജ്വലിനുണ്ടായതായി രക്ഷിതാക്കള്‍ക്കോ സഹപാഠികള്‍ക്കോ അറിവില്ല. സംഭവത്തില്‍ ആദൂര്‍ പൊലിസ് കേസെടുത്തു. 

A Class 9 student was found dead at his home in Kasaragod district after returning from school following an examination. The deceased has been identified as Prajwal (14), son of Jayakara and Anitha, residents of Kunjathodi, Bellur. He was a student of Bellur Government High School.