തിരുവനന്തപുരം: തെരഞ്ഞെടുപ്പില്‍ തരംഗം സൃഷ്ടിച്ച 'പോറ്റിയെ കേറ്റിയെ' പാരഡി പാട്ടിനെതിരെ ഡി.ജി.പിക്ക് പരാതി. തിരുവാഭരണപാത സംരക്ഷണ സമിതി ജനറല്‍ സെക്രട്ടറി പ്രശാന്ത് കുഴിക്കാലയാണ് പരാതി നല്‍കിയത്. 

മനോഹരമായ ഭക്തിഗാനത്തെ വികലമായി ഉപയോഗിച്ചു എന്നും രാഷ്ട്രീയ ലാഭത്തിനുവേണ്ടിയാണ് പാട്ടിനെ വികലമാക്കിയത് എന്നും കാണിച്ചാണ് പരാതി നല്‍കിയിരിക്കുന്നത്.  ഭക്തരെ അപമാനിച്ച പാട്ട് പിന്‍വലിക്കണം എന്നും പരാതിയില്‍ ആവശ്യപ്പെട്ടിട്ടുണ്ട്. 

തെരഞ്ഞെടുപ്പിന് പിന്നാലെ പാട്ട് വലിയ രീതിയില്‍ വൈറലാവുകയും വലിയ സ്വീകാര്യത ലഭിക്കുകയും ചെയ്തിരുന്നു. തദ്ദേശ തെരഞ്ഞെടുപ്പിലുടനീളം യു.ഡി.എഫ് പ്രചാരണത്തിനായി വ്യാപകമായി ഈ പാട്ട് ഉപയോഗിച്ചിരുന്നു. 

പാട്ട് പാടിയത് മലപ്പുറം പടിഞ്ഞാറ്റുമുറിയിലെ ഡാനിഷ് മുഹമ്മദ് എന്നയാളാണ്. ഖത്തറില്‍ പ്രവാസിയായ ജി.പി കുഞ്ഞബ്ദുല്ല എന്ന നാദാപുരം ചാലപ്പുറം സ്വദേശിയാണ് വരികള്‍ എഴുതിയത്. 

A complaint has been filed with the Kerala Director General of Police (DGP) against the viral parody song “Pottie Kettiye,” which gained popularity during the local body elections. The complaint was submitted by Prashanth Kuzhikkala, General Secretary of the Tiruvabharanapatha Samrakshana Samithi.