കണ്ണൂര്‍:കണ്ണൂരില്‍ ബോംബ് കൈയ്യിലിരുന്ന് പൊട്ടി സി.പി.എം പ്രവര്‍ത്തകന് ഗുരുതര പരുക്ക്. വെണ്ടുട്ടായി കനാല്‍കരയില്‍ വിപിന്‍ രാജിനാണ് പരുക്കേറ്റത്. സ്‌ഫോടക വസ്തു കൈയിലിരുന്ന് പൊട്ടുകയായിരുന്നു. പരുക്ക് ഗുരുതരമാണ്. വിപിനെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. 

കണ്ണൂര്‍ പിണറായി വെണ്ടുട്ടായിയില്‍ ഇന്ന് ഉച്ചയ്ക്ക് 2 മണിയോടെയാണ് അപകടം നടന്നത്. വിപിന്‍രാജിന്റെ വീടിന് സമീപത്ത് വച്ച് ബോംബ് നിര്‍മ്മിക്കുന്നതിനിടെയാണ് അപകടം നടന്നത്. കോണ്‍ഗ്രസ് ഓഫീസ് തകര്‍ത്ത കേസിലടക്കം പ്രതിയാണ് വിപിന്‍. 

അതേസമയം, ഓലപ്പടക്കമാണ് കൈയ്യിലിരുന്ന് പൊട്ടിയതെന്ന് വിപിന്‍ മൊഴി നല്‍കി. പൊലിസ് വിശദമായ അന്വേഷണം ആരംഭിച്ചു. ബോംബ് സ്‌ക്വാഡ് അടക്കം സ്ഥലത്തെത്തി പരിശോധന നടത്തുമെന്നാണ് വിവരം.

A CPM worker sustained serious injuries after a bomb exploded in his hand at Venduttayi near Pinarayi in Kannur district. The injured has been identified as Vipin Raj, a resident of the area. The incident occurred around 2 pm on Tuesday near his house, reportedly while he was handling an explosive device.