ദുബൈ: ദുബൈയിലെ ഏറ്റവും തിരക്കേറിയ ട്രേഡ് സെന്റർ റൗണ്ട് എബൗട്ടിലെ ഗതാഗതക്കുരുക്കിന് പരിഹാരമായി രണ്ട് പുതിയ പാലങ്ങൾ കൂടി തുറന്നു. ആർടിഎ (RTA) നടപ്പിലാക്കുന്ന വികസന പദ്ധതിയുടെ ഭാഗമായാണ് പാലങ്ങൾ ഗതാഗതത്തിനായി തുറന്നുകൊടുത്തത്. ഇതോടെ ഈ മേഖലയിലെ യാത്രാ സമയം 10 മിനിറ്റിൽ നിന്ന് വെറും രണ്ട് മിനിറ്റായി കുറയും.

ഡിസംബർ 2 സ്ട്രീറ്റിൽ നിന്ന് അൽ മജ്‌ലിസ് സ്ട്രീറ്റ്, അൽ മുസ്തക്ബാൽ സ്ട്രീറ്റ്, സബീൽ പാലസ് സ്ട്രീറ്റ് എന്നിവിടങ്ങളിലേക്ക് പോകുന്നവർക്കാണ് പുതിയ പാലങ്ങൾ വലിയ ആശ്വാസമാകുന്നത്. ഓരോ പാലത്തിലും രണ്ട് വരി പാതകളാണുള്ളത്. മണിക്കൂറിൽ ഏകദേശം 6,000 വാഹനങ്ങളെ ഉൾക്കൊള്ളാൻ ഈ പാലങ്ങൾക്ക് ശേഷിയുണ്ട്.

ALSO READ: ദുബൈയിലെ ഡ്രൈവർമാരുടെ ശ്രദ്ധയ്ക്ക്: ഫാസ്റ്റ് ലെയ്ൻ ഇനി ഓവർടേക്കിംഗിന് മാത്രം; നിയമം ലംഘിച്ചാൽ 400 ദിർഹം പിഴ 

2026 ഒക്ടോബറോടെ മറ്റ് രണ്ട് പാലങ്ങൾ കൂടി തുറക്കുന്നതോടെ പദ്ധതി പൂർണ്ണമാകും. പദ്ധതി പൂർത്തിയാകുമ്പോൾ ഈ കവലയിലെ ശരാശരി കാത്തിരിപ്പ് സമയം 12 മിനിറ്റിൽ നിന്ന് 90 സെക്കൻഡായി കുറയും.

ദുബൈ വേൾഡ് ട്രേഡ് സെന്റർ, ഡിഐഎഫ്‌സി (DIFC) എന്നീ വാണിജ്യ കേന്ദ്രങ്ങളിലേക്ക് എത്തുന്നവർക്കും സബീൽ, അൽ സത്വ, അൽ കറാമ, അൽ ജാഫിലിയ, അൽ മൻഖൂൽ തുടങ്ങിയ താമസമേഖലകളിലുള്ളവർക്കും വികസനം ഏറെ പ്രയോജനപ്പെടും. ഏകദേശം അഞ്ച് ലക്ഷത്തിലധികം ആളുകൾക്ക് ഇതിന്റെ പ്രയോജനം ലഭിക്കുമെന്നാണ് പ്രതീക്ഷിക്കുന്നത്.

ALSO READ: ശൈത്യകാലത്ത് ഹീറ്റർ ഉപയോ​ഗിക്കുമ്പോൾ ശ്രദ്ധവേണം; അശ്രദ്ധമായ ഉപയോ​ഗം തീപിടുത്തത്തിനും ശ്വാസംമുട്ടലിനും കാരണമാകാം; മുന്നറിയിപ്പുമായി അബൂദബി പൊലിസ് 

അൽ മുസ്തക്ബാൽ സ്ട്രീറ്റ് വികസിപ്പിക്കുന്ന മാസ്റ്റർ പ്ലാനിന്റെ ഭാഗമായാണ് ഈ പ്രവർത്തനങ്ങൾ നടക്കുന്നത്. 2027-ഓടെ അൽ മുസ്തക്ബാൽ സ്ട്രീറ്റിലെ വാഹന ശേഷി മണിക്കൂറിൽ 12,000 ആയി വർദ്ധിപ്പിക്കാനാണ് ദുബൈ ആർടിഎ ലക്ഷ്യമിടുന്നത്.

new bridges at trade center roundabout are opened to ease congestion and improve traffic flow travel time reduced to two minutes benefiting daily commuters enhancing road connectivity minimizing delays supporting smoother journeys across key city routes during peak hours periods