സാധാരണക്കാര്‍ക്ക് കിട്ടാക്കനിയായി സ്വര്‍ണവില അനുദിനം റെക്കോര്‍ഡുകള്‍ തിരുത്തി മുന്നേറുമ്പോള്‍ എല്ലാവരുടേയും മനസിലുദിക്കുന്ന ചോദ്യമാണ് ആരാണ് സ്വര്‍ണവില നിശ്ചയിക്കുന്നത്? എന്താണിതിന്റെ മാനദണ്ഡം എന്നെല്ലാം. ഡിമാന്‍ഡും വിതരണവുമാണ് ഒരു വസ്തുവിന്റെ വില നിശ്ചയിക്കുന്നത്. ഇതേ രീതിയില്‍ തന്നെയാണ് സ്വര്‍ണവിലയുടെ വര്‍ധനവും എന്നുതന്നെയായിരിക്കും പലരും ധരിച്ചുവെച്ചിരിക്കുന്നത്. 

ആഗോള സ്വര്‍ണവില നിര്‍ണയം

അന്താരാഷ്ട്ര സ്വര്‍ണവില നിശ്ചയിക്കുന്നത് ലണ്ടന്‍ ഓവര്‍-ദി-കൌണ്ടര്‍ (ഒടിസി) സ്‌പോട്ട് ഗോള്‍ഡ് മാര്‍ക്കറ്റ് ട്രേഡിംഗ്, കോമെക്‌സ് ഗോള്‍ഡ് ഫ്യൂച്ചേഴ്‌സ് ട്രേഡിംഗ് എന്നിവിടങ്ങളിലാണ്. ഒരു ഔണ്‍സ് സ്വര്‍ണത്തിന്റെ വില കണക്കാക്കിയാണ് സ്വര്‍ണത്തിന് വില നിശ്ചയിക്കുന്നത്. ഒരു ഔണ്‍സ് എന്നാല്‍ 31.10 ഗ്രാം ആണ്. ഔണ്‍സിന് വില നിശ്ചയിക്കുന്നത് ഡോളറിന്റെ മൂല്യത്തിന്റെ അടിസ്ഥാനത്തിലാണ്. അതുകൊണ്ട് തന്നെ രൂപയുടെ മൂല്യം ഡോളറിനെ അപേക്ഷിച്ച് വ്യത്യാസം വരുമ്പോരുമ്പോഴും സ്വര്‍ണവിലയില്‍ വ്യത്യാസം വരും. 

ALSO READ: ലക്ഷം കടന്ന് സ്വര്‍ണം; പവന് ഒറ്റയടിക്ക് കൂടിയത് 1,760 രൂപ

സ്വര്‍ണ്ണ വിലയെ ബാധിക്കുന്ന ഘടകങ്ങള്‍ 

ആഗോള വിപണി പ്രവണതകള്‍: അന്താരാഷ്ട്ര സ്വര്‍ണ്ണ നിരക്കുകളാണ് അടിസ്ഥാന വില നിശ്ചയിക്കുന്നത്. 
കറന്‍സി വിനിമയ നിരക്കുകള്‍: രൂപയുടെ മൂല്യം കുറയുമ്പോള്‍ സ്വര്‍ണ്ണ വില ഉയരും 
ഡിമാന്‍ഡും സപ്ലൈയും: അവധി ദിവസങ്ങള്‍ ഡിമാന്‍ഡ് വര്‍ദ്ധിപ്പിക്കുന്നു, ഇത് ചെലവുകള്‍ വര്‍ദ്ധിപ്പിക്കുന്നു 
സര്‍ക്കാര്‍ നിയന്ത്രണങ്ങള്‍: ഇറക്കുമതി നികുതികളും തീരുവകളും സ്വര്‍ണ്ണത്തിന്റെ വിലയെ സ്വാധീനിക്കുന്നു. 
പലിശ നിരക്കുകളും പണപ്പെരുപ്പവും: പണപ്പെരുപ്പം ഉയരുമ്പോള്‍, സ്വര്‍ണ്ണം കൂടുതല്‍ ആകര്‍ഷകമായ നിക്ഷേപമായി മാറുന്നു. 

കറന്‍സി വിനിമയ നിരക്കുകള്‍

പ്രധാനമായും യുഎസ് ഡോളറിലാണ് സ്വര്‍ണ്ണ വ്യാപാരം നടക്കുന്നത് എന്നതിനാല്‍ കറന്‍സി മൂല്യങ്ങളിലെ മാറ്റങ്ങള്‍ സ്വര്‍ണ്ണത്തിന്റെ വിലയെ ബാധിക്കുന്നു. രൂപയുടെ മൂല്യം കുറയുമ്പോള്‍ ഇന്ത്യയില്‍ ഇറക്കുമതി ചെയ്യുന്ന സ്വര്‍ണ്ണത്തിന്റെ വില ഉയരുന്നു. അതുപോലെ, യുഎസ് കറന്‍സിയുടെ മൂല്യം കുറയുമ്പോള്‍ വിദേശത്ത് നിന്നും സ്വര്‍ണം വാങ്ങുന്നവര്‍ക്ക് ലാഭകരമാകുന്നു. ആഗോള സാമ്പത്തിക സാഹചര്യങ്ങള്‍, കേന്ദ്ര ബാങ്ക് നയങ്ങള്‍, ഫോറെക്‌സ് വിപണി ചലനങ്ങള്‍ എന്നിവ സ്വര്‍ണ്ണത്തിന്റെ വില എങ്ങനെ നിശ്ചയിക്കുന്നു എന്നതിനെ നേരിട്ട് സ്വാധീനിക്കുന്ന കാര്യങ്ങളാണ്. 

ഇന്ത്യയില്‍ സ്വര്‍ണ്ണ വില നിശ്ചയിക്കുന്നത് ആരാണ്?

ഇന്ത്യയില്‍ സ്വര്‍ണ്ണ നിരക്ക് നിര്‍ണ്ണയിക്കുന്നതിന് ഒരു ഔപചാരിക പ്രക്രിയയില്ല. എന്നാലും സ്വര്‍ണ്ണവില നിര്‍ണ്ണയിക്കുന്നതില്‍ ഇന്ത്യന്‍ ബുള്ളിയന്‍ ജ്വല്ലേഴ്സ് അസോസിയേഷനാണ് (IBJA) നിര്‍ണായക പങ്കുവഹിക്കുന്നത്. ഇന്ത്യയിലെ സ്ഥിരം സ്വര്‍ണ്ണ ഡീലര്‍മാരും ഇതില്‍ ഉള്‍പ്പെടുന്നു. ബാങ്കുകള്‍ സ്വര്‍ണ്ണം ഇറക്കുമതി ചെയ്യുകയും പിന്നീട് രാജ്യത്തുടനീളമുള്ള ബുള്ളിയന്‍ ഡീലര്‍മാര്‍ക്ക് വിതരണം ചെയ്യുകയും ചെയ്യുന്നു. ഇറക്കുമതി ചെയ്ത സ്വര്‍ണ്ണ വിലയ്ക്ക് ഒരു അധിക ഫീസ് ഉണ്ട്.

ആരാണ് കേരളത്തില്‍ സ്വര്‍ണവില നിശ്ചയിക്കുന്നത്?

ഭീമ ജ്വല്ലറി ചെയര്‍മാന്‍ ഡോ.ബി. ഗോവിന്ദന്‍ നയിക്കുന്ന  ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റ്‌സ് അസോസിയേഷന്‍(എ.കെ.ജി.എസ്.എം.എ) ആണ് കാലങ്ങളായി കേരളത്തിലെ സ്വര്‍ണവില നിശ്ചയിക്കുന്നത്. മറ്റ് സ്വര്‍ണാഭരണശാലകളും സംഘടനകളും വിതരണക്കാരും ഈ വില പിന്തുടരാറാണ് പതിവ്. ഈ സംഘടനയുടെ ജനറല്‍ സെക്രട്ടറി കെ. സുരേന്ദ്രനും ട്രഷറര്‍ എസ് അബ്ദുള്‍ നാസറുമാണ്. സംഘടനയുടെ സംസ്ഥാന കമ്മിറ്റി ചുമതലപ്പെടുത്തിയ ഈ മൂന്നംഗ സമിതിയാണ് കേരളത്തില്‍ സ്വര്‍ണവില നിശ്ചയിക്കുന്നത്. രാവിലെ ഏതാണ്ട് 9.30 ഓടെയാണ് ഓരോ ദിവസത്തേയും വില പ്രഖ്യാപിക്കുന്നത്. 

ലാഭമാര്‍ജിന്‍ ഏറ്റവും കുറച്ചാണ് സംസ്ഥാനത്ത് ഓരോ ദിവസവും വിലയിടുന്നത്. എ.കെ.ജി.എസ്.എം.എയുടെ മാനദണ്ഡം തന്നയാണ് മറ്റു സംസ്ഥാനങ്ങളിലെ അസോസിയേഷനുകളും പിന്തുടരുന്നത്. ഓരോ ദിവസത്തേയും ഡിമാന്‍ഡിന് ആനുപാതികമായാണ് ലാഭമാര്‍ജിന്‍ നിശ്ചയിക്കുന്നത്. 

സ്വര്‍ണവിലയുടെ മാനദണ്ഡം

ഓരോ ദിവസത്തെയും ഡോളറിന്റെ മൂല്യം, രൂപയുമായുള്ള വിനിമയനിരക്ക്, ലണ്ടന്‍ വിപണിയിലെ സ്വര്‍ണ വില, ഇതിന് ആനുപാതികമായി ഇന്ത്യയില്‍ 24 കാരറ്റ് സ്വര്‍ണത്തിനിന്റെ ബാങ്ക് റേറ്റ്, മുംബൈ വിപണിയിലെ സ്വര്‍ണവില എന്നിവയെല്ലാം പരിഗണിച്ചാണ് കേരളത്തിലെ സ്വര്‍ണവില നിശ്ചയിക്കുന്നത്. 

കേരളത്തില്‍ വില നിശ്ചയിക്കപ്പെടുന്നത്

ലണ്ടന്‍ ബുള്ളിയന്‍ മാര്‍ക്കറ്റ് (London bullion market) വില അനുസരിച്ച് അന്താരാഷ്ട്ര വില ഡോളര്‍ നിരക്കില്‍ എത്രയാണെന്ന് രാവിലെ അറിയാനാവും. രാവിലെ 9.15 ആകുമ്പോഴേക്കും ഐ എന്‍ ആര്‍ അഥവാ നാണയ വിനിമയ നിരക്ക് വരും. രൂപയുടെ വിനിമയ നിരക്ക് എത്രയാണെന്നത് അറിയും. ഇതിന് ശേഷം ബാങ്ക് നിരക്ക് കൂടി നോക്കി 92 എന്ന അനുപാതത്തിലേക്ക് വില നിശ്ചയിക്കും. അതില്‍ 1% മാര്‍ജിനുകൂടി നല്‍കിയിട്ടാണ് വില നിശ്ചയിക്കപ്പെടുന്നത്. ചുരുക്കി പറഞ്ഞാല്‍ ഓരോ ദിവസത്തെയും ഡോളറിന്റെ മൂല്യം, രൂപയുമായുള്ള വിനിമയനിരക്ക്, സ്വര്‍ണത്തിന്റെ അന്താരാഷ്ട്ര വിലയ്ക്കനുസരിച്ച് ഇന്ത്യയില്‍ 24 കാരറ്റ് സ്വര്‍ണത്തിന്റെ ബാങ്ക് നിരക്ക് ഇവയെല്ലാം അവലോകനം ചെയ്താണ് ഓരോ ദിവസത്തേയും സ്വര്‍ണവില നിശ്ചയിക്കുന്നത്. 

പണിക്കൂലി, ഹാള്‍മാര്‍ക്കിംഗ്, ജിഎസ്ടി എന്നിവയ്ക്കുള്ള സ്വര്‍ണ്ണ നിരക്കുകളുടെ നിര്‍ണ്ണയം 

സ്വര്‍ണ്ണം, സ്വര്‍ണ്ണാഭരണങ്ങള്‍, സ്വര്‍ണ്ണ നാണയങ്ങള്‍, സ്വര്‍ണ്ണക്കട്ടികള്‍ എന്നിവയ്‌ക്കെല്ലാം ഇന്ത്യയില്‍ 3% ജിഎസ്ടി നിരക്കിന് വിധേയമാണ്. 
സ്വര്‍ണ്ണാഭരണങ്ങള്‍ക്ക്, ഇതുകൂടാതെ പണിക്കൂലിയില്‍ 5% ജിഎസ്ടിക്ക് വിധേയമാണ്. 
സ്വര്‍ണ്ണത്തിന്റെ പരിശുദ്ധിയുടെ വ്യക്തമായ അളവുകള്‍, സാധാരണയായി കാരറ്റിലോ സംഖ്യാ മാനദണ്ഡങ്ങളിലോ ആണ് നിര്‍ണയിക്കുന്നത്. 

ഉദാഹരണത്തിന്, '916' എന്ന സ്റ്റാമ്പ് പതിച്ച 22K സ്വര്‍ണ്ണാഭരണങ്ങളില്‍ 91.6% ശുദ്ധമായ സ്വര്‍ണ്ണമാണ് അടങ്ങിയിരിക്കുന്നത്,  '750' എന്ന സ്റ്റാമ്പ് പതിച്ച 18K ആഭരണങ്ങളില്‍ 75% ആണ് പരിശുദ്ധമായ സ്വര്‍ണം. ഓരോ ആഭരണത്തിനും BIS മാര്‍ക്ക് നല്‍കുന്നുമുണ്ട്. 

As gold prices continue to surge daily, making the precious metal increasingly unaffordable for common people, many wonder who actually decides the price of gold and what factors influence it. Globally, gold prices are determined through trading in the London over-the-counter (OTC) spot gold market and the COMEX gold futures market, with prices fixed per ounce in US dollars. Currency exchange rates, especially the dollar–rupee value, play a crucial role in determining domestic prices.