പേരാമ്പ്ര: ഓണാഘോഷത്തിനു വിദ്യാര്‍ഥികള്‍ ശേഖരിച്ച തുക സ്‌നേഹനിധി എന്ന പേരില്‍ രോഗചികിത്സക്കു നല്‍കി. പേരാമ്പ്ര സെന്റ് മേരീസ് പബ്ലിക് സ്‌കൂള്‍ വിദ്യാര്‍ഥികളാണ് ഓണാഘോഷത്തിനു വേണ്ടി ശേഖരിച്ച 15,000 രൂപ ദയാ പാലിയേറ്റിവിലെ രോഗികള്‍ക്കു മരുന്നിനും ഭക്ഷണത്തിനുമായി നല്‍കിയത്.
തുക സ്‌കൂള്‍ ലീഡര്‍ ബി. ശ്രാവണ്‍ പാലിയേറ്റിവ് സെക്രട്ടറി സുരേഷിനു കൈമാറി. ചടങ്ങില്‍ പ്രിന്‍സിപ്പല്‍ മോളിക്കുട്ടി അബ്രഹാം, അധ്യാപകരായ ജോഷി, പി. ശ്രീജ, പി. ശ്രീനിവാസന്‍ പങ്കെടുത്തു.