പത്തനംതിട്ട: പൊലിസ് സേനയിലെ മേലുദ്യോഗസ്ഥരെ സമൂഹമാധ്യമങ്ങളിലൂടെ നിരന്തരം അപകീര്‍ത്തിപ്പെടുത്തിയെന്നതടക്കം ആരോപണങ്ങള്‍ നേരിടുന്ന സീനിയര്‍ സിവില്‍ പൊലിസ് ഓഫിസര്‍ യു.ഉമേഷിനെ സര്‍വീസില്‍ നിന്ന് പിരിച്ചുവിട്ടു. തുടര്‍ച്ചയായ അച്ചടക്ക ലംഘനത്തിന്റെ പേരിലാണ് നടപടി. 

കഴിഞ്ഞ 18 മാസമായി ഉമേഷ് സസ്‌പെന്‍ഷനിലാണ്.പത്തനംതിട്ട ആറന്മുള പൊലിസ് സ്റ്റേഷനില്‍ ജോലി ചെയ്യുന്നതിനിടെയാണ് അവസാനമായി ഉമേഷിനെ സസ്‌പെന്റ് ചെയ്തത്. സര്‍വീസിലുള്ളപ്പോഴും സസ്‌പെന്‍ഷനിലായിരിക്കുമ്പോഴും ഉന്നത പൊലിസ് ഉദ്യോഗസ്ഥരേയും പൊലിസ് സംവിധാനത്തെയും വിമര്‍ശിച്ചുകൊണ്ട് സമൂഹമാധ്യമങ്ങളില്‍ നിരവധി പോസ്റ്റുകള്‍ ഇദ്ദേഹം പങ്കുവെക്കാറുണ്ട്. ഇതേതുടര്‍ന്ന് മൂന്ന് സസ്‌പെന്‍ഷനുകളും മുപ്പതോളം അച്ചടക്ക നടപടികളുമാണ് ഇദ്ദേഹം നേരിട്ടത്. 

സര്‍വീസിലിരിക്കുമ്പോഴും സസ്‌പെന്‍ഷനിലായപ്പോഴും ഉമേഷ് വള്ളിക്കുന്നിന്റെ ഭാഗത്ത് നിന്ന് ഗുരുതരമായ അച്ചടക്ക ലംഘനങ്ങള്‍ ഉണ്ടായെന്ന് വിവിധ അന്വേഷണ റിപ്പോര്‍ട്ടുകള്‍ ചൂണ്ടിക്കാട്ടിയിരുന്നു. 

Senior Civil Police Officer U. Umesh Vallikunnu has been dismissed from service for repeated disciplinary violations, including allegations of defaming senior police officials through social media posts. The action was taken following multiple inquiries that found serious misconduct both during his period of service and while he was under suspension.