നമ്മള്‍ ഉപയോഗിക്കുന്ന സ്മാര്‍ട്ട്‌ഫോണിന്റെ ചാര്‍ജിങ് പോയിന്റിന് സമീപത്തുള്ള ഒരു ഹോള്‍ നിങ്ങള്‍ ശ്രദ്ധിച്ചിട്ടുണ്ടോ?.. എന്നാല്‍ അങ്ങനെയൊരു കാര്യമുണ്ട്. അതിന് അതിന്റേതായ ആവശ്യവുമുണ്ട്. അത് ഒരു ഡിസൈന്‍ എലമെന്റ് ആണെന്ന് കരുതിയിരിക്കുകയാണ് നിങ്ങളെങ്കില്‍ തെറ്റി. ഫോണിന്റെ പ്രവര്‍ത്തനത്തില്‍ പങ്ക് വഹിക്കുന്ന പ്രധാനപ്പെട്ട ഒരു കാര്യമാണ് ഈ കുഞ്ഞ് ഹോള്‍.

കോളുകള്‍, വീഡിയോകള്‍, വോയ്‌സ് റെക്കോര്‍ഡിംഗുകള്‍ എന്നിവ നിങ്ങള്‍ ഫോണ്‍ ഉപയോഗിച്ച് ചെയ്യുമ്പോള്‍ ശബ്ദം ഫോണ്‍ സ്വീകരിക്കുന്നത് ഈ ചെറിയ ദ്വാരങ്ങളില്‍ കൂടിയാണ്. ചില മോഡലുകളില്‍ ഇത് ഒരു നോയിസ് റെഡ്യൂസറായും പ്രവര്‍ത്തിക്കും. കാറ്റ് മറ്റ് ബാക്ക്ഗ്രൗണ്ട് നോയിസുകള്‍ ഇല്ലാതാക്കി ശബ്ദം ക്ലിയാറായി നല്‍കനുള്ള സെക്കന്‍ഡറി മൈക്കായും ഇത് പ്രവര്‍ത്തിക്കും.

ചാര്‍ജിംഗ് പോര്‍ട്ടിന് സമീപം എന്തുകൊണ്ടാണ് മൈക്ക് വരുന്നത്?

ഫോണിന്റെ അടിഭാഗത്തായി മൈക്ക് നല്‍കുന്നത് നിര്‍മാതാക്കളുടെ തന്ത്രപരമായ നീക്കമാണ്. കോളിനായി ഉപകരണം പിടിക്കുമ്പോള്‍ ഈ ഭാഗമാണ് നിങ്ങ!ളുടെ വായുടെ ഏറ്റവും അടുത്തായി വരുന്നത്. ശബ്ദം വ്യക്തമായി സ്വീകരിക്കാന്‍ ഇത് സഹായകമാകുന്നു.