ഭോപ്പാല്‍: താജ്മഹലിനെ ലക്ഷ്യം വെച്ച് വര്‍ഗീയ പരാമര്‍ശം തുടര്‍ന്ന് ഹിന്ദുത്വവാദികള്‍. താജ്മഹല്‍ ക്ഷേത്രമായിരുന്നെന്ന വിവാദ പരാമര്‍ശം ഏറ്റുപിടിച്ച് രംഗത്തെത്തിയിരിക്കുകയാണ് മധ്യപ്രദേശ് നഗര വികസന മന്ത്രിയും മുതിര്‍ന്ന ബിജെപി നേതാവുമായ കൈലാഷ് വിജയ് വര്‍ഗീയ. താജ്മഹല്‍ ആദ്യം ഒരു ക്ഷേത്രമായിരുന്നെന്നും, പിന്നീട് മുഗള്‍ ചക്രവര്‍ത്തി ഷാജഹാന്‍ ശവകുടീരമാക്കി മാറ്റിയെന്നുമാണ് മന്ത്രിയുടെ പരാമര്‍ശം. 

സാഗര്‍ ജില്ലയിലെ ബിനാ ടൗണില്‍ ഒരു ക്രിക്കറ്റ് ടൂര്‍ണമെന്റ് ഉദ്ഘാടനത്തിനിടെയാണ് മന്ത്രി വര്‍ഗീയ പരാമര്‍ശവുമായി രംഗത്തെത്തിയത്. ' മുംതാസിന്റെ മൃതദേഹം ആദ്യ അടക്കം ചെയ്തത് ബുര്‍ഹാന്‍പൂരിലായിരുന്നു. പിന്നീട് ക്ഷേത്രം പണിയുന്നൊരു സ്ഥലത്തേക്ക് മാറ്റി. അതിന് ശേഷമാണ് അവിടെ താജ്മഹല്‍ പണി കഴിപ്പിച്ചത്,' വിജയ് വര്‍ഗീയ പറഞ്ഞു. മന്ത്രിയുടെ പരാമര്‍ശത്തിന്റെ വീഡിയോ സമൂഹമാധ്യമങ്ങളില്‍ വൈറലാണ്. 

ALSO READ: കോർപ്പറേഷൻ, മുനിസിപ്പാലിറ്റികളിലേക്കുള്ള അധ്യക്ഷ തെരഞ്ഞെടുപ്പ് ഇന്ന്; നാല് കോർപ്പറേഷനുകളിൽ അധികാരമുറപ്പിച്ച് യുഡിഎഫ്

ഇത് ആദ്യമായല്ല തന്റെ വര്‍ഗീയ പരാമര്‍ശങ്ങളുടെ പേരില്‍ വിജയ് വര്‍ഗീയ വിവാദത്തിലാവുന്നത്. മുന്‍പ് വനിത ക്രിക്കറ്റ് ലോകകപ്പിന് ഇന്‍ഡോറിലെത്തിയ ആസ്‌ട്രേലിയന്‍ താരങ്ങള്‍ക്ക് നേരെ പരസ്യമായി ലൈംഗികാതിക്രമം നടന്നപ്പോഴും ഇരകളെ കുറ്റപ്പെടുത്തി മന്ത്രി രംഗത്തെത്തിയിരുന്നു. മാത്രമല്ല സ്ത്രീകള്‍ ഇറക്കം കുറഞ്ഞ വസ്ത്രങ്ങള്‍ ധരിക്കുന്നത് ഇന്ത്യന്‍ പാരമ്പര്യത്തിന് എതിരാണെന്നും ഇയാള്‍ പറഞ്ഞിരുന്നു.

hindutva groups continue to make communal remarks targeting the taj mahal. madhya pradesh’s urban development minister and senior bjp leader kailash vijayvargiya has come forward supporting the controversial claim that the taj mahal was originally a temple.