മനാമ: ബഹ്‌റൈന്‍ അന്താരാഷ്ട്ര വിമാനത്താവളത്തില്‍ നിന്ന് പുറപ്പെടുന്നവര്‍ക്കും ട്രാന്‍സിറ്റ് യാത്രക്കാര്‍ക്കും 'പാസഞ്ചര്‍ രജിസ്‌ട്രേഷന്‍ ഫീസ്' ഏര്‍പ്പെടുത്തി ഗതാഗത, ടെലികമ്മ്യൂണിക്കേഷന്‍ മന്ത്രാലയം. ഇതുപ്രകാരം ബഹ്‌റൈനില്‍ നിന്ന് പുറപ്പെടുന്നതോ രാജ്യം വഴി സഞ്ചരിക്കുന്നതോ ആയ യാത്രക്കാര്‍ ഉടന്‍ തന്നെ രണ്ട് ബഹ്‌റൈന്‍ ദിനാര്‍ (ഏകദേശം 480 രൂപ) സിവില്‍ ഏവിയേഷന്‍ ഫീസ് നല്‍കേണ്ടിവരും. 

ഗതാഗത, ടെലികമ്മ്യൂണിക്കേഷന്‍ മന്ത്രി ഡോ. ഷെയ്ഖ് അബ്ദുല്ല ബിന്‍ അഹമ്മദ് അല്‍ ഖലീഫ പുറപ്പെടുവിച്ച മന്ത്രിതല തീരുമാന പ്രകാരമാണ് ഫീസ് ഏര്‍പ്പെടുത്തുന്നത്. സിവില്‍ ഏവിയേഷന്‍ ഫീസും വിമാന പുറപ്പെടല്‍ സേവന നിരക്കുകളും നിയന്ത്രിക്കുന്ന 2016 ലെ തീരുമാനം നമ്പര്‍ 25 ലെ പട്ടിക 4 ല്‍ പുതിയ ഇനമായാണ് പാസഞ്ചര്‍ രജിസ്‌ട്രേഷന്‍ ഫീസ് ചേര്‍ത്തിരിക്കുന്നത്.

ഭേദഗതി പ്രകാരം, ഷെഡ്യൂളില്‍ ഒരു പുതിയ ഇനം ചേര്‍ത്തിട്ടുണ്ടെന്നും ഒരു യാത്രക്കാരന് 2 ദിനാര്‍ എന്ന പാസഞ്ചര്‍ നെയിം റെക്കോര്‍ഡ് (PNR) രജിസ്‌ട്രേഷന്‍ ഫീസ് ഏര്‍പ്പെടുത്തിയിട്ടുണ്ടെന്നും നേരത്തെ ട്രാന്‍സിറ്റ് യാത്രക്കാര്‍ക്ക് ഒരു ദിനാര്‍ ആയിരുന്നു ഫീസെന്നും അധികൃതര്‍ അറിയിച്ചു.
ഔദ്യോഗിക ഗസറ്റിന്റെ ഏറ്റവും പുതിയ പതിപ്പില്‍ ഈ തീരുമാനം (2025 ലെ നമ്പര്‍ 18) പ്രസിദ്ധീകരിച്ചിട്ടുണ്ട്. 2026 ഏപ്രില്‍ 24 ന് തീരുമാനം ഔദ്യോഗികമായി നടപ്പാക്കും.

ALSO READ: പുറപ്പെടുന്നതിന് മൂന്ന് മണിക്കൂര്‍ മുന്‍പ് വിമാനത്താവളത്തില്‍ എത്തണം; ശൈത്യകാലത്തെ തിരക്ക് ക്രമീകരിച്ച് ഷാര്‍ജ എയര്‍പോര്‍ട്ട്

Passengers departing Bahrain or transiting through the kingdom will soon be required to pay BD2 civil aviation fee, under a ministerial decision issued by Transportation and Telecommunications Minister Dr Shaikh Abdulla bin Ahmed Al Khalifa.