ഷാർജ: പുതുവത്സരത്തോടനുബന്ധിച്ച് ഷാർജയിലെ വാഹന ഉടമകൾക്ക് സന്തോഷവാർത്തയുമായി മുനിസിപ്പാലിറ്റി. ജനുവരി 1 വ്യാഴാഴ്ച എമിറേറ്റിലെ പൊതു പാർക്കിംഗ് കേന്ദ്രങ്ങളിൽ സൗജന്യ പാർക്കിംഗ് അനുവദിക്കുമെന്ന് ഷാർജ മുനിസിപ്പാലിറ്റി ഔദ്യോഗികമായി അറിയിച്ചു.

പുതുവത്സരാഘോഷങ്ങളിൽ പങ്കെടുക്കുന്നവർക്കും നഗരത്തിലെത്തുന്നവർക്കും ഏറെ ആശ്വാസകരമാകുന്നതാണ് ഈ തീരുമാനം. എന്നാൽ എല്ലാ പാർക്കിംഗ് ഏരിയകൾക്കും ഈ ഇളവ് ബാധകമല്ലെന്ന് അധികൃതർ വ്യക്തമാക്കിയിട്ടുണ്ട്.

ALSO READ: യുഎഇയിൽ പുതുവർഷത്തിൽ ആശ്വാസം; ഇന്ധനവില കുറഞ്ഞു, പുതിയ നിരക്കുകൾ അറിയാം 

ചിലയിടങ്ങളിൽ പാർക്കിംഗ് ഫീസ് നൽകേണ്ടി വരും. നീല നിറത്തിലുള്ള ഇൻസ്ട്രക്ഷൻ ബോർഡുകൾ സ്ഥാപിച്ചിട്ടുള്ള പാർക്കിംഗ് മേഖലകളിൽ ഇളവ് ബാധകമായിരിക്കില്ല. ഇത്തരം മേഖലകളിൽ വർഷത്തിൽ 365 ദിവസവും (അവധി ദിവസങ്ങൾ ഉൾപ്പെടെ) പണമടച്ച് മാത്രമേ പാർക്ക് ചെയ്യാൻ പാടുള്ളൂ.

പിഴ ഒഴിവാക്കുന്നതിനായി വാഹനങ്ങൾ പാർക്ക് ചെയ്യുന്നതിന് മുൻപ് സമീപത്തെ സൂചനാ ബോർഡുകൾ കൃത്യമായി പരിശോധിക്കണമെന്ന് ഷാർജ മുനിസിപ്പാലിറ്റി നിർദ്ദേശിച്ചു. നിയമലംഘനങ്ങൾ തടയുന്നതിനായി പരിശോധനകൾ കർശനമായി തുടരുമെന്നും അധികൃതർ കൂട്ടിച്ചേർത്തു.

sharjah authorities announced free parking on new year day offering relief to residents and visitors as paid parking zones were suspended to support celebrations reduce traffic stress and encourage safe convenient travel across the emirate during public holiday period citywide.