മുബൈ: നിര്‍ബന്ധിത മതപരിവര്‍ത്തനം ആരോപിച്ച് മഹാരാഷ്ട്രയില്‍ അറസ്റ്റിലായ സി.എസ്.ഐ വൈദികന് ജാമ്യം. വൈദികന് ഒപ്പം അറസ്റ്റിലായ വൈദികരടക്കമുള്ള 11 പേര്‍ക്കും കോടതി ഉപാധികളോടെ ജാമ്യം അനുവദിച്ചു. 

തിരുവനന്തപുരം അമരവിള സ്വദേശി ഫാദര്‍ സുധീറും ഭാര്യ ജാസ്മിനും ഉള്‍പ്പെടെയുള്ളവരെയാണ് മഹാരാഷ്ട്ര പൊലിസ് ഇന്നലെ വൈകിട്ട് അറസ്റ്റ് ചെയ്തത്. ഇവര്‍ക്കാണിപ്പോള്‍ മഹാരാഷ്ട്രയിലെ വറൂട് കോടതിം ജാമ്യം അനുവദിച്ചത്. 

സി.എസ്.ഐ ദക്ഷിണ കേരള മഹായിടവകയിലെ വൈദികനാണ് തിരുവനന്തപുരം സ്വദേശിയായ ഫാ സുദീര്‍. പ്രാദേശിക വൈദികരുടെ ക്ഷണപ്രകാരമാണ് ഇദ്ദേഹം ഭാര്യയോടൊപ്പം പരിപാടിയില്‍ പങ്കെടുക്കാനെത്തിയത്. രാജ്യത്തുടനീളം വിവിധ സംസ്ഥാനങ്ങളില്‍ ക്രിസ്ത്യാനികള്‍ക്ക് നേരെ നടക്കുന്ന അതിക്രമത്തിന്റെ തുടര്‍ച്ചയാണ് മഹാരാഷ്ട്രയിലും സംഭവിച്ചത്. 

ഒക്ടോബറില്‍ മധ്യപ്രദേശില്‍ നിര്‍ബന്ധിത മതപരിവര്‍ത്തനം നടത്തിയെന്ന് ആരോപിച്ച് മലയാളി വൈദികനെ അറസ്റ്റ് ചെയ്ത് ജയിലിലടച്ചിരുന്നു. മലയന്‍കീഴ് സ്വദേശിയായ ഫാദര്‍ ഗോഡ് വിനാണ് അറസ്റ്റിലായത്. സമാനമായി ജൂലൈയില്‍ ഛത്തീസ്ഡില്‍ രണ്ട് മലയാളി കന്യാസ്ത്രീകളെ മതപരിവര്‍ത്തനവും, മനുഷ്യകടത്തും ആരോപിച്ച് പൊലിസ് അറസ്റ്റ് ചെയ്തിരുന്നു. അങ്കമാലി, കണ്ണൂര്‍ സ്വദേശിനികളായ സിസ്റ്റര്‍ വന്ദന, പ്രീതി എന്നിവരെയാണ് ഛത്തീസ്ഗഡ് പൊലിസ് അറസ്റ്റ് ചെയ്തത്. തുടര്‍ന്ന് വലിയ പ്രതിഷേധങ്ങള്‍ക്ക് പിന്നാലെയാണ് ഇരുവരെയും മോചിപ്പിക്കാനായത്.

A CSI priest arrested in Maharashtra on charges of forced religious conversion has been granted bail. The court granted conditional bail to the priest and 11 others, including fellow clergy members, who were arrested along with him.