ദുബൈ: 2026ലെ യു.എ.ഇയുടെ പുതുവത്സരാഘോഷത്തിന് ആഗോള ശ്രദ്ധ ലഭിച്ചു. ഗംഭീരമായ ആഘോഷ പരിപാടികളായിരുന്നു അർധരാത്രിക്ക് ശേഷം രാജ്യമെങ്ങും ഒരുക്കിയത്. ഇമാറാത്തിന്റെ ആകാശം നൂതന വെടിക്കെട്ട് പ്രദർശനങ്ങളുടെയും പ്രകാശ ഷോകളുടെയും തുറന്ന വേദിയായി മാറി. ഈ അസാധാരണ നിമിഷങ്ങൾ രേഖപ്പെടുത്താൻ സ്വദേശികളും വിദേശകളുമടങ്ങിയ ലക്ഷക്കണക്കിന് ജനങ്ങൾ ഒത്തുകൂടി.

രാജ്യത്തിന്റെ വിശിഷ്ടമായ പ്രശസ്തി പ്രതിഫലിപ്പിക്കാനായി സുരക്ഷാ, സേവന അധികാരികൾ നടപ്പാക്കിയ പരിശ്രമങ്ങളെയും സജീവ പദ്ധതികളെയും ആഘോഷങ്ങൾ അത്യുജ്വലമാക്കി.

 

 

തലസ്ഥാനമായ അബൂദബിയിൽ, അൽ വത്ബയിലെ ശൈഖ് സായിദ് ഫെസ്റ്റിവൽ രാജ്യത്തെയും മിഡിൽ ഈസ്റ്റിലെ തന്നെയും വമ്പിച്ച ആഘോഷ രാവ് സമ്മാനിച്ചു. സമ്പന്നമായ പൈതൃക അന്തരീക്ഷവുമായി സംയോജിപ്പിച്ച് പൂർണമായും ആഴത്തിലുള്ള ദൃശ്യ-ശ്രവണ അനുഭവം പ്രദാനം ചെയ്തു. ഉത്സവ സമ്മേളനങ്ങളും വെടിക്കെട്ടുകളും സഅദിയാത്ത് സാംസ്കാരിക ജില്ലയെയും കോർണിഷിനെയും പ്രകാശിപ്പിച്ചു. പുതുവത്സരത്തെ സ്വാഗതം ചെയ്യാൻ ഇവിടെ ആയിരങ്ങളെത്തി.

ദുബൈയിൽ, ലോകത്തിലെ ഏറ്റവും മികച്ച പുതുവത്സര ലക്ഷ്യസ്ഥാനങ്ങളിലൊന്നായി എമിറേറ്റ് അതിന്റെ സ്ഥാനം ഉറപ്പിച്ചു. ബുർജ് ഖലീഫയിലും ഡൗൺ ടൗൺ ദുബൈയിലും നയനാനന്ദകരമായ ലേസർ പ്രകടനങ്ങളും വെടിക്കെട്ടുകളും അത്ഭുതം നിറയ്ക്കുന്നതായിരുന്നു. ബുർജ് അൽ അറബ്, പാം ജുമൈറ, ഗ്ലോബൽ വില്ലേജ് എന്നിവിടങ്ങളിലെ വിപുലമായ ആഘോഷങ്ങൾക്കൊപ്പം, രാഷ്ട്രമൊന്നാകെയുണ്ടായ സവിശേഷ ദൃശ്യാനുഭവങ്ങൾ വേറിട്ടതായിരുന്നു.

ഷാർജയുടെ കടൽത്തീരങ്ങൾ മുതൽ റാസൽഖൈമയുടെ ലോഞ്ച് പ്ലാറ്റ്‌ഫോമുകൾ വരെ എല്ലാ എമിറേറ്റുകളിലും വെടിക്കെട്ടുകളുണ്ടായിരുന്നു. അവ ലോക റെക്കോഡുകൾ സൃഷ്ടിക്കുന്നത് തുടർന്നു. അജ്മാൻ, ഉമ്മുൽഖുവൈൻ, ഫുജൈറ എന്നിവിടങ്ങളും ആഘോഷ പരമ്പര നടന്നു.

സംയോജിത പ്രവർത്തന ചട്ടക്കൂടും വിപുലമായ ലോജിസ്റ്റിക്കൽ തയാറെടുപ്പും വിജയം പ്രതിഫലിപ്പിച്ചു. പ്രധാന റൂട്ടുകളിലും ഇവന്റ് ഏരിയകളിലും സുഗമമായ സഞ്ചാരം ഉറപ്പാക്കുന്നതിനൊപ്പം ദശലക്ഷക്കണക്കിന് സന്ദർശകരെ കൈകാര്യം ചെയ്യുന്നതിൽ അംഗീകൃത ഗതാഗത-സുരക്ഷാ പദ്ധതികൾ പരമാവധി ഫലപ്രാപ്തി പ്രകടമാക്കി.

 

 

സ്മാർട്ട് മോണിറ്ററിങ് സാങ്കേതിക വിദ്യകളുടെ പിന്തുണയോടെ പട്രോളിങ്, സിവിൽ ഡിഫൻസ്, ആംബുലൻസ് ടീമുകളുടെ തീവ്രമായ ഫീൽഡ് വിന്യാസം സുരക്ഷിതമായ ഉത്സവ അന്തരീക്ഷം സൃഷ്ടിക്കാൻ സഹായിച്ചു. അതോടൊപ്പം, പൊതുജനങ്ങൾ ഉയർന്ന തലത്തിലുള്ള അവബോധവും മാർഗനിർദേശങ്ങളും പൂർണമായി പാലിച്ചു. പ്രധാന പരിപാടികൾ കാര്യക്ഷമമായും പ്രൊഫഷണലായും കൈകാര്യം ചെയ്യുന്നതിൽ യു.എ.ഇ ഇന്നൊരു ആഗോള മാനദണ്ഡം എന്ന നിലയിൽ ഈ പരിപാടികളെല്ലാം തന്നെ ഉന്നത നിലവാരം പുലർത്തിയതായിരുന്നു.

6,500 ഡ്രോൺ ഷോയുമായി പ്രൗഢ പുതുവത്സരാഘോഷം

അബൂദബി: 62 മിനുട്ട് തുടർച്ചയായ വെടിക്കെട്ടും 6,500 ഡ്രോണുകൾ ഉൾപ്പെട്ട പ്രദർശനവും നടത്തി അബൂദബി 2026നെ പ്രൗഢമായി വരവേറ്റു. ശൈഖ് സായിദ് ഫെസ്റ്റിവലിലെ പുതുവത്സരാഘോഷത്തിലായിരുന്നു റെക്കോഡുകൾ തകർത്ത പ്രകടനങ്ങൾ. ഒരു മണിക്കൂറിലധികം നീണ്ടുനിന്ന വെടിക്കെട്ടിനോടൊപ്പം, 30 സെക്കൻഡിൽ ഏറ്റവും കൂടുതൽ വെള്ളച്ചാട്ടങ്ങൾ, വിസിൽ ശബ്ദം, ഇടിമുഴക്കം, വളയാകൃതിയിലുള്ള വെടിക്കെട്ട് എന്നിവയും നിരവധി ലോക റെക്കോഡുകൾ നേടിയെടുത്തു. 20 മിനുട്ടിൽ 6,500 ഡ്രോണുകൾ ഒരേസമയം പറന്ന് ലോകത്തിലെ ഏറ്റവും വലിയ ഡ്രോൺ ഷോ എന്ന ചരിത്ര നേട്ടവും സ്വന്തമാക്കി.

ഇതാദ്യമായി ഡ്രോണുകൾ ഒമ്പത് ആകാശ രൂപങ്ങൾ സൃഷ്ടിച്ചു. ഇവയെ പുതുവത്സര കൗണ്ട്‌ഡൗണുമായി സമന്വയിപ്പിക്കുകയായിരുന്നു. ഡിസംബർ 31ന് രാത്രി നടന്ന ഫെസ്റ്റിവലിൽ 163,000ത്തിലധികം സന്ദർശകർ പങ്കെടുത്തു. അര ദശലക്ഷത്തിലധികം പേരാണ് വെടിക്കെട്ടുകളും ഡ്രോൺ പ്രദർശനങ്ങളും കണ്ടത്.

പ്രധാന പ്രദർശനങ്ങൾക്ക് പുറമെ, അൽ അയ്യാല, അൽ റസ്ഫ, അൽ നദ്ബ തുടങ്ങിയ എമിറാത്തി പൈതൃക പ്രകടനങ്ങളും അന്താരാഷ്ട്ര നാടോടി പ്രദർശനങ്ങളും കൺട്രി പവലിയനുകളും ശൈഖ് സായിദ് ഫെസ്റ്റിവലിലെ ആഘോഷങ്ങളിൽ ഉൾപ്പെട്ടിരുന്നു.

പുതുവത്സരാഘോഷങ്ങളെ പരിസ്ഥിതി സന്ദേശവുമായി ബന്ധിപ്പിക്കുന്ന, പ്രാദേശിക മരങ്ങളുടെയും സസ്യങ്ങളുടെയും വിത്തുകൾ അടങ്ങിയ 500,000 പരിസ്ഥിതി സൗഹൃദ ബലൂണുകളുടെ പ്രകാശനവും പരിപാടിയിൽ ഉൾപ്പെടുന്നു. അമ്യൂസ്‌മെന്റ് പാർക്ക്, കുട്ടികളുടെ നാടകം, സംവേദനാത്മക പ്രകടനങ്ങൾ എന്നിവയുൾപ്പെടെ ഉത്സവ ഗ്രൗണ്ടിലുടനീളമുള്ള പ്രവർത്തനങ്ങളിൽ കുടുംബങ്ങളും കുട്ടികളും സജീവമായി പങ്കെടുത്തു.

The UAE welcomed the New Year with fireworks and drone displays across several emirates, as organisers aimed to break five world records on New Year's Eve.