ന്യൂയോര്‍ക്ക്: റിപ്പബ്ലിക്കന്‍ പാര്‍ട്ടി സ്ഥാനാര്‍ഥി ഡോണള്‍ഡ് ട്രംപിനെ തോല്‍പ്പിക്കാന്‍ ഫേസ്ബുക്ക് സ്ഥാപകന്‍ മാര്‍ക്ക് സുക്കര്‍ബര്‍ക്കിന്റെ  സഹപ്രവര്‍ത്തകന്‍ ഡസ്റ്റിന്‍ മോസ്‌കോവിറ്റ്‌സ്.


ഡമോക്രാറ്റിക് പാര്‍ട്ടി സ്ഥാനാര്‍ഥി ഹിലരി ക്ലിന്റണു വേണ്ടി 20 മില്യന്‍ ഡോളറാണ് ഡസ്റ്റിന്‍ പൊടിക്കുന്നത്.



ജീവിതത്തില്‍ ആദ്യമായാണ് താന്‍ ഒരു സ്ഥാനാര്‍ഥിക്കു പണം നല്‍കുന്നതെന്ന് അദ്ദേഹം പറഞ്ഞു.


ധ്രുവീകരണം അമേരിക്കയിലെ ഒരു വിഭാഗത്തെ കീഴടക്കിയെന്നും ആശയങ്ങളും നയങ്ങളും നഷ്ടപ്പെട്ടുകൊണ്ടിരിക്കുകയാണെന്നും അദ്ദേഹം പറയുന്നു.


ഹിലരിയുടെ കാഴ്ചപ്പാടില്‍ തനിക്ക് വിശ്വാസമുണ്ട്. പ്രത്യേകിച്ച് കുടിയേറ്റ ജനങ്ങളുടെ വിഷയത്തില്‍. തന്റെ അജണ്ട നടപ്പാക്കാന്‍ കഴിവുള്ളയാളാണ് ഹിലരിയെന്നും ഡസ്റ്റിന്‍ പറയുന്നു.



രാജ്യത്തെ വിവിധ സ്റ്റേറ്റുകളില്‍ ഹിലരിയുടെ തെരഞ്ഞെടുപ്പു പ്രചാരണത്തിനായുള്ള കമ്മിറ്റികള്‍ക്കായാണ് ഈ പണം വിനിയോഗിക്കുക.