തിരുവനന്തപുരം: പരാതി പറയാൻ സിറ്റി പൊലിസ് കമ്മിഷണർ ഓഫീസിലെത്തി പൊലിസുകാരന്റെ ബൈക്ക് മോഷിടിച്ച് കടന്നുകളഞ്ഞ യുവാവ് പിടിയിൽ. പ്രതി അമൽ സുരേഷാണ് പിടിയിലായത്. കന്റോൺമെന്റ് പൊലിസാണ് പ്രതിയെ പിടികൂടിയത്. ഇന്നലെ രാത്രിയോടെ മാനവീയം വീഥിയിൽ നിന്നാണ് അമൽ സുരേഷ് പിടിയിലായത്.

ഇന്നലെ കമ്മിഷണർ ഓഫിസിൽ അച്ഛനെതിരെ പരാതി പറയാൻ എത്തിയതായിരുന്നു യുവാവ്. എന്നാൽ പൊലിസുകാരുമായി തർക്കിച്ച് തിരിച്ച് മടങ്ങി. ഇതിനിടെ ഓഫിസിനു മുന്നിൽ വച്ചിരുന്ന പൊലിസുകാരന്റെ ബൈക്ക് മോഷ്ടിച്ച് കടന്നുകളയുകയായിരുന്നു. സംഭവം പുറത്തറിഞ്ഞതോടെ പൊലിസിന് കനത്ത നാണക്കേടായി. 

ALSO READ: മദ്യം നല്‍കി വിദ്യാര്‍ഥിയെ പീഡിപ്പിച്ച സംഭവം: അധ്യാപകനെതിരെ കൂടുതല്‍ പരാതികള്‍, ഫോണില്‍ കുട്ടികളുടെ അശ്ലീല ദൃശ്യങ്ങള്‍

കെ. കാർത്തിക് സിറ്റി പൊലിസ് കമ്മിഷണറായി ചുമതലയേറ്റ് തൊട്ടടുത്ത ദിവസം തന്നെയാണ് കമ്മിഷണർ ഓഫിസിൽ നിന്ന് ബൈക്ക് മോഷണം പോയത്.