കോഴിക്കോട്: നാദാപുരം പുറമേരിയില്‍ സ്‌കൂള്‍ ബസ് കടന്നുപോയതിന് പിന്നാലെ സ്‌ഫോടനം. അറാംവെള്ളിയില്‍ ഇന്ന് രാവിലെ 9 മണിയോടെയാണ് സംഭവം. 

സ്‌കൂള്‍ ബസ് കടന്നുപോയതിന് പിന്നാലെ റോഡില്‍ നിന്ന് സ്‌ഫോടനശബ്ദം കേള്‍ക്കുകയായിരുന്നു. ബസിന്റെ ടയര്‍ റോഡില്‍ കിടന്ന വസ്തുവില്‍ കയറിഇറങ്ങിയതിന് പിന്നാലെയാണ് സ്‌ഫോടനമുണ്ടായതെന്നാണ് വിവരം. ബസിന്റെ ടയറിന് കേടുപാടുകള്‍ സംഭവിച്ചിട്ടുണ്ട്. ഡ്രൈവര്‍ പുറത്തിറങ്ങി പരിശോധിച്ചപ്പോഴാണ് സ്‌ഫോടക വസ്തുവാണ് പൊട്ടിത്തെറിച്ചതെന്ന് മനസിലായത്. 

വിദ്യാര്‍ഥികളെ സ്‌കൂളില്‍ എത്തിച്ച ശേഷം ഡ്രൈവര്‍ പൊലിസില്‍ വിവരമറിയിക്കുകയായിരുന്നു. നാദാപുരം പൊലിസ് സ്ഥലത്തെത്തി പരിശോധന നടത്തി. സംഭവത്തില്‍ അന്വേഷണം നടക്കുകയാണെന്ന് പൊലിസ് അറിയിച്ചു.

An explosion was reported on a road in Puraameri near Nadapuram, Kozhikode, shortly after a school bus passed through the area on Friday morning around 9 a.m. The blast occurred at Aramvelliyil, moments after the bus had crossed the spot.