ചെന്നൈ: 2026ലെ ഐഎസ്ആർഒയുടെ ആദ്യ ദൗത്യം തിങ്കളാഴ്ച നടക്കും. ഇ.ഒ.എസ്.എൻ 1 ഭൗമ നിരീക്ഷണ ഉപഗ്രഹവുമായി പി.എസ്.എൽ.വിയുടെ സി62 റോക്കറ്റ് ആണ് ശ്രീഹരിക്കോട്ടയിലെ സതീഷ് സെന്ററിൽ നിന്നും തിങ്കളാഴ്ച രാവിലെ 10 17ന് കുതിച്ചുയരുക. ഇതിനൊപ്പം 13 ഉപഗ്രഹങ്ങളെയും റോക്കറ്റ് ഭൂമിയുടെ ഭ്രമണപഥത്തിൽ എത്തിക്കും. ഐ.എസ്.ആർ.ഒയുടെ വാണിജ്യവിഭാഗമായ ന്യൂസ് സ്പേസ് ഇന്ത്യ ലിമിറ്റഡ് ആണ് ഇതിന് നേതൃത്വം നൽകുന്നത്.

ഇന്ത്യയുടെ ഏറ്റവും ശക്തമായ റോക്കറ്റ് പി.എസ്.എൽ.വിയുടെ 64മത്തെ ദൗത്യമാണ് ഇത്. ചന്ദ്രയാൻ 1, ചൊവ്വ ദൗത്യം, ആദിത്യ എൽ 1, ആസ്ട്രോസാറ്റ് ദൗത്യം തുടങ്ങിയ ശ്രദ്ധേയമായ ദൗത്യങ്ങൾക്ക് ഉപയോഗിച്ച വിക്ഷേപണ വാഹനമാണ് പി.എസ്.എൽ.വി.