തിരുവനന്തപുരം: ചികിത്സാപിഴവ് മൂലം രണ്ടര വയസുകാരി മരിച്ചെന്ന പരാതിയില്‍ ആര്യനാട് പൊലിസ് കേസെടുത്തു. വെള്ളനാട് പുനലാല്‍ ചക്കിപ്പാറ ഷാനിമ മന്‍സിലില്‍ സിദ്ദിഖ്- ഫാസില ദമ്പതികളുടെ മകള്‍ ഐഷ ഫാത്തിമയാണ് മരിച്ചത്. കാട്ടാക്കടയിലെ സ്വകാര്യ ആശുപത്രിയിലെ ചികിത്സാപിഴവാണ് മരണകാരണമെന്നാണ് കുടുംബം ആരോപിക്കുന്നത്. 

അതേസമയം, രണ്ടര വയസ്സുകാരിയുടെ മരണത്തില്‍ ചികിത്സാ പിഴവ് ഉണ്ടായിട്ടില്ലെന്ന് കുട്ടിയെ ചികിത്സിച്ച സ്വകാര്യ ആശുപത്രിയിലെ ഡോക്ടര്‍ അരുണ്‍ വാരിയര്‍ പറഞ്ഞു. ഇഞ്ചക്ഷന്‍ മൂലമല്ല കുട്ടിയുടെ ആരോഗ്യനില വഷളായത്. ആശുപത്രിയില്‍ എത്തിച്ചപ്പോള്‍ തന്നെ കുട്ടിക്ക് കടുത്ത ശ്വാസംമുട്ടല്‍ ഉണ്ടായിരുന്നു. ആരോഗ്യനില വഷളായതിനെ തുടര്‍ന്ന് കുട്ടിക്ക് അഡ്രിനാലിന്‍ നല്‍കി. നെയ്യാര്‍ മെഡിസിറ്റിയില്‍ എത്തിച്ചപ്പോള്‍ കുട്ടിക്ക് നേരിയ പള്‍സ് ഉണ്ടായിരുന്നതായും ഡോക്ടര്‍ പറഞ്ഞു. 

ALSO READ: കഴിച്ച ഭക്ഷണത്തിന്റെ പണം ചോദിച്ചു; എറണാകുളത്ത് ഹോട്ടല്‍ ഉടമക്കും ജീവനക്കാരനും ക്രൂരമര്‍ദ്ദനം 

ശ്വാസംമുട്ടലിന് ചികിത്സ തേടിയാണ് കുട്ടിയെ ആശുപത്രിയിലെത്തിച്ചത്. കയ്യില്‍ രണ്ട് കുത്തിവെപ്പുകള്‍ നല്‍കിയ ഉടന്‍ തന്നെ ഐഷ ബോധരഹിതയാകുകയായിരുന്നു. കുട്ടിയുടെ നില വഷളായതോടെ ആശുപത്രിയിലെ ജീവനക്കാര്‍ തന്നെ കുട്ടിയെ നെയ്യാര്‍ മെഡിസിറ്റിയിലേക്ക് കൊണ്ടുപോയെങ്കിലും അവിടെ എത്തും മുന്‍പേ മരണം സംഭവിച്ചിരുന്നു. ഇന്നലെ ഉച്ചയ്ക്ക് 12.55-ഓടെയാണ് മരണം സ്ഥിരീകരിച്ചത്.

കൃത്യമായ പരിശോധനകളില്ലാതെ നല്‍കിയ കുത്തിവെപ്പാണ് മരണത്തിന് കാരണമായതെന്നാണ് ബന്ധുക്കളുടെ ആരോപണം. സിദ്ദിഖിന്റെയും ഫൈസലത്തിന്റെയും ഇരട്ടക്കുട്ടികളില്‍ ഒരാളാണ് ഐഷ ഫാത്തിമ.

കുട്ടിയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്തുവന്നാല്‍ മാത്രമേ മരണകാരണത്തില്‍ വ്യക്തത വരികയുള്ളൂ.

A two-and-a-half-year-old girl, Aisha Fathima, died following medical treatment at a private hospital in Kattakada near Aryanad in Thiruvananthapuram district. The family alleged that the child became unconscious immediately after receiving two injections and blamed medical negligence for her death.