ദോഹ: വാഹനങ്ങള്‍ ഓടിക്കൊണ്ടിരിക്കുമ്പോള്‍ അവയുടെ മുകളില്‍ ഇരിക്കുന്നതും വിന്‍ഡോയിലൂടെ പുറത്തേക്ക് തലയിട്ട് ചെരിഞ്ഞു നില്‍ക്കുന്നതും നിയമലംഘനമാണെന്ന് ഖത്തര്‍ ആഭ്യന്തര മന്ത്രാലയത്തിന് കീഴിലെ ജനറല്‍ ഡയറക്ടറേറ്റ് ഓഫ് ട്രാഫിക് (General Directorate of Traffic at Qatar's Ministry of Interior) മുന്നറിയിപ്പ് നല്‍കി. ഇത്തരം പ്രവണതകള്‍ ജീവന് ഭീഷണിയാണെന്നും ട്രാഫിക് നിയമപ്രകാരം ശിക്ഷാര്‍ഹമാണെന്നും അധികൃതര്‍ വ്യക്തമാക്കി.
വാഹനം ഓടിക്കൊണ്ടിരിക്കുമ്പോള്‍ വിന്‍ഡോയിലൂടെയോ സണ്‍റൂഫിലൂടെയോ പുറത്തേക്ക് തലയോ ശരീരമോ നീട്ടുന്നത് അപകടസാധ്യത വര്‍ധിപ്പിക്കുന്നു. ആഘോഷങ്ങളുടെ ഭാഗമായി പലരും നടത്തുന്ന ഇത്തരം അശ്രദ്ധമായ പെരുമാറ്റങ്ങള്‍ വലിയ അപകടങ്ങള്‍ക്കും ഗുരുതരമായ പരിക്കുകള്‍ക്കും കാരണമാകാറുണ്ട്.
റോഡ് സുരക്ഷ ഉറപ്പാക്കുന്നതിന്റെ ഭാഗമായി രാജ്യത്തെ ട്രാഫിക് നിയമങ്ങള്‍ കര്‍ശനമായി പാലിക്കണമെന്നും മറ്റു യാത്രക്കാരുടെ സുരക്ഷയെ ബാധിക്കുന്ന രീതിയിലുള്ള പ്രവൃത്തികളില്‍ നിന്ന് വിട്ടുനില്‍ക്കണമെന്നും ട്രാഫിക് ഡയറക്ടറേറ്റ് അറിയിച്ചു. നിയമലംഘനം നടത്തുന്നവര്‍ക്കെതിരേ കര്‍ശന നടപടികള്‍ സ്വീകരിക്കുമെന്നും അധികൃതര്‍ പ്രസ്താവനയില്‍ പറഞ്ഞു.

ALSO READ: ഇസ്‌റാഈല്‍ അധിനിവേശം ചര്‍ച്ച ചെയ്യാന്‍ ജിദ്ദയില്‍ മുസ്ലിം രാജ്യങ്ങളിലെ വിദേശകാര്യ മന്ത്രിമാരുടെ അടിയന്തര യോഗം

Enslish Summary: The General Directorate of Traffic at Qatar's Ministry of Interior has issued a public advisory against the hazardous practice of sitting on vehicle roofs or leaning out of windows while a car is in motion. Such actions are classified as serious traffic violations under the country's regulations and are punishable by law.