പ്രശസ്ത പണ്ഡിതനും, വലിയ്യുമായിരുന്നു മുരിങ്ങേക്കല്‍ അബ്ദുല്‍ അലി കോമു മുസ്‌ലിയാര്‍. 1889-ല്‍ പെരിങ്ങോട്ടുപുലത്ത് മുരിങ്ങേക്കല്‍ മൂസ മുല്ലയുടേയും, പാത്തുമ്മക്കുട്ടിയുടേയും മകനായി ജനിച്ചു. പ്രാഥമിക പഠനം നാട്ടില്‍ തന്നെയായിരുന്നു. വെല്ലൂര്‍ ബാഖിയാത്തില്‍ നിന്ന് ഉന്നതബിരുദം നേടി. ശേഷം 24 വര്‍ഷം പരപ്പനങ്ങാടി പനയത്തില്‍ പള്ളിയില്‍ മുദര്‍യിസായി സേവനമനുഷ്ടിച്ചു. അതി പ്രശസ്തമായിരുന്നു ആ ദര്‍സ്. പ്രഗത്ഭരായ ധാരാളം പണ്ഡിതര്‍ അദ്ദേഹത്തിന്റെ ശിഷ്യഗണങ്ങളായുണ്ട്. ശംസുല്‍ ഉലമാ ഇ.കെ. അബൂബക്കര്‍ മുസ്‌ലിയാര്‍, ശൈഖുനാ കോട്ടുമല അബൂബക്കര്‍ മുസ്‌ലിയാര്‍, ശൈഖുനാ കെ.വി. മുഹമ്മദ് മുസ്‌ലിയാര്‍ കൂറ്റനാട്, കൂട്ടിലങ്ങാടി ബാപ്പു മുസ്‌ലിയാര്‍ മുതലായവര്‍ അവരിലുള്‍പ്പെടുന്നു.
സൂഫിവര്യനായ കോമു മുസ്‌ലിയാര്‍ സമസ്ത കേരള ജംഇയ്യത്തുല്‍ ഉലമായുടെ മുന്‍നിര പ്രവര്‍ത്തകരില്‍ പ്രമുഖനായിരുന്നു. പ്രഗത്ഭ വാഗ്മിയും, സേവനാധിഷ്ഠിത ജീവിതം മരണം വരെ തുടര്‍ന്ന മഹാനുമായിരുന്നു.

ALSO READ: ശിഹാബുദ്ദീന്‍ അബൂസആദത്ത് അഹ്‌മദ് കോയ മുസ്‌ലിയാര്‍ ചാലിയം - മൗലാനാ ശാലിയാത്തി
മുരിങ്ങേക്കല്‍ അബൂബക്കര്‍ എന്ന പോക്കുട്ടിയുടെ മകള്‍ ഖദീജക്കുട്ടിയായിരുന്നു സഹധര്‍മ്മിണി. അവര്‍ വിവാഹിതരാകുമ്പോള്‍ കേവലം 12 വയസ്സ് പ്രായമുള്ള ബാലികയായിരുന്നു ഖദീജക്കുട്ടി. ആ ദാമ്പത്യവല്ലരിയില്‍ എട്ടു മക്കള്‍ പിറന്നു. അവരില്‍ നാലുപേര്‍ ചെറുപ്രായത്തില്‍ തന്നെ മരണമടഞ്ഞു. അവശേഷിച്ചവര്‍ ഒരു പുത്രനും, മൂന്നു പുത്രിമാരും. അവരില്‍ ഒരാളാണ് ശൈഖുനാ കോട്ടുമല അബൂബക്കര്‍ മുസ്‌ലിയാരുടെ പത്‌നി ഫാത്വിമ. 2001 ഏപ്രില്‍ മാസത്തില്‍ പ്രസ്തുത മഹതി വഫാത്തായി. സമസ്തയുടെ ഒരു വര്‍ഷം നീണ്ടുനിന്ന 75-ാം വാര്‍ഷികാഘോഷ പരിപാടിയുടെ ഉദ്ഘാടനത്തിനായി പുത്രന്‍ ബാപ്പു മുസ്‌ലിയാര്‍ തിരുവനന്തപുരത്ത് പോയ ഘട്ടത്തില്‍ അപ്രതീക്ഷിതമായാണ് മരണം സംഭവിച്ചത്.

ALSO READ: ചെറിയമുണ്ടം കുഞ്ഞിപ്പോക്കര്‍ മുസ്‌ലിയാര്‍
ധാരാളം ഗ്രന്ഥങ്ങളുള്‍ക്കൊള്ളുന്ന ബ്രഹത്തായ ഒരു ഗ്രന്ഥ ശേഖരത്തിന്റെ ഉടമയായിരുന്നു മര്‍ഹും കോമു മുസ്‌ലിയാര്‍. 1928-ല്‍ അദ്ദേഹം പരിശുദ്ധ ഹജ്ജ് കര്‍മ്മം നിര്‍വ്വഹിച്ചു. കാളമ്പാടിയില്‍ സ്ഥിരതാമസമാക്കിയ ഉടനെ അദ്ദേഹം അവിടെ ഒരു പള്ളി നിര്‍മ്മിച്ചു. തന്റെ അശ്രാന്ത പരിശ്രമഫലമായി സ്ഥാപിതമായ ആ പള്ളിയുടെ മിഹ്‌റാബിന്റെ തെക്കുവശത്താണ് അദ്ദേഹം അന്ത്യ വിശ്രമം കൊള്ളുന്നത്. 'കോമു മുസ്‌ലിയാരുപ്പാപ്പാ'ന്റെ പള്ളി എന്നാണ് അതിനു ജനങ്ങള്‍ പറയുന്ന പേര്. തന്റെ ശിഷ്യനും മരുമകനുമായ ശൈഖുനാ കോട്ടുമലയുടെ മഖ്ബറ അതിന്റെ തൊട്ടടുത്ത് തന്നെ. അവര്‍ രണ്ടു പേരെയും സിയാറത്ത് ചെയ്യുവാന്‍ അവിടെ പ്രത്യേക സൗകര്യം ഏര്‍പ്പെടുത്തിയിട്ടുണ്ട്. 1944-ലായിരുന്നു മഹാനവര്‍കളുടെ വഫാത്ത്.
അറിയപ്പെട്ട വലിയ്യുകൂടിയായിരുന്നു മഹാനവര്‍കള്‍ വഫാത്തിന് തയ്യാറെടുക്കുകയും കിതാബുകള്‍ സൂക്ഷിച്ച അലമാരയുടെ താക്കോല്‍ മുന്‍കൂട്ടി കൈമാറി മഹാനവര്‍കള്‍ ജീവിതത്തില്‍ തന്നെ ശിഷ്യന്മാര്‍ക്ക് മുന്നറിയിപ്പ് നല്‍കിയിട്ടുണ്ട്. വഫാത്ത് 1957 ജൂണ്‍ 28 (ഹി. 1376 ദുല്‍ഖഅ്ദ 29)

Abdul Ali Komu Musliyar was a revered Kerala Islamic scholar and Sufi saint, remembered for scholarship, spiritual leadership, dedicated teaching, and lasting contributions to Samastha and Islamic education.