ഹരിപ്പാട്: ഹരിപ്പാട് നഗരത്തില്‍ അലഞ്ഞു തിരിയുന്ന നിരാലംബര്‍ക്കും ഗവ.ഹോസ്പിറ്റലില്‍ അഡ്മിറ്റായ നിദ്ധനര്‍ക്കും അത്താഴ ഭക്ഷണം നല്‍കുന്ന കൂട്ടായ്മയായ 'അത്താഴപ്പൊതി' 120916 ബുധനാഴ്ച പതിവായി നല്കുന്ന ഭക്ഷണത്തിന് പകരം വിഭവ സമൃദ്ധമായ ഓണസദ്യ നല്കുന്നു.കൂടാതെ പാവപ്പെട്ട ഏതാനും പേര്‍ക്ക് ഓണാക്കോടിയും കൊടുക്കുന്നു.മണ്ണാറശാല യു.പി.സ്‌കൂള്‍ അദ്ധ്യാപകനുംസാമൂഹ്യ പ്രവര്‍ത്തകനുമായ സര്‍ജു മുതുകുളത്തിന്റെ നേതൃത്വത്തില്‍ ഒരുപറ്റംചെറുപ്പക്കാരാണ് അത്താഴപ്പൊതി കൂട്ടായ്മയില്‍ പ്രവര്‍ത്തിക്കുന്നത്.പദ്ധതി കഴിഞ്ഞ മെയ് ഒന്നിനാണ് തുടക്കം കുറിച്ചത്.സമൂഹ മാധ്യമങ്ങിലൂടെ അറിഞ്ഞു പിന്തുണക്കുന്ന ഉദാരമതികളുടെ സഹായത്തോടെ നടപ്പാക്കുന്ന ഈ പദ്ധതിയിലൂടെ ഒരു ദിവസം പോലും ഒഴിയാതെ അമ്പതോളം പേര്‍ക്ക് ഭക്ഷണം നല്‍കുന്ന ഈ സംരംഭം നൂറ്റിയമ്പത് ദിവസംആവുകയാണ്.ഈ കൂട്ടായ്മ ഇത് കൂടാതെ ഏതാനും കുടുംബങ്ങളുടെ ഭക്ഷണച്ചിലവുകള്‍ ഏറ്റെടുത്ത് നടപ്പാക്കുന്നു.ആലപ്പുഴ ജില്ലയിലെ കാര്‍ത്തികപ്പള്ളി പഞ്ചായത്തില്‍ എട്ടാം വാര്‍ഡില്‍ ചുടുകാട് ലക്ഷംവീട് കോളനിയില്‍ താമസിക്കുന്ന തങ്കച്ചന്‍ വല്‍സ്സമ്മ ദമ്പതികള്‍ക്ക് ഒരുമാസത്തേക്കുള്ള പലചരക്ക് സാധനങ്ങള്‍ എത്തിച്ചു കൊടുത്തു കൊണ്ടാണ് ഇതിനു തുടക്കം കുറിച്ചത്.ഇതിന്റെ ഉത്ഘാടനം നിര്‍വഹിച്ചത് അവയവദാനത്തിന്റെ മഹനീയ മാതൃക മലയാളക്കരക്ക് പകര്‍ന്ന് നല്‍കിയ ശ്രീമതി ലേഖ.എം.നമ്പൂതിരിയാണ്.കായകുളംകീരിക്കാട് തെക്ക് (പുളിമുക്ക്)പുത്തേത്ത് തറയില്‍ ഡി.ബാബുരാജിന്റെ കുടുംബത്തിനുള്ള പലചരക്ക് സാധനങ്ങളും ഓണക്കോടിയും കൈമാറിയത് പ്രശസ്തചലച്ചിത്ര തിരക്കഥാകൃത്ത് ശ്രീ.സതീഷ് മുതുകുളമാണ്.ഈ കൂട്ടായ്മയിലൂടെ മാരകരോഗങ്ങള്‍ ബാധിച്ച നി രവധി ആളുകള്‍ക്ക് ചികിത്സാ സഹായവും ചെയ്തു വരുന്നു.
രക്തദാന പരിപാടിയിലും ഇവര്‍ സജീവമാണ്.സമൂഹത്തിന്റെ പിന്തുണയുണ്ടെങ്കില്‍ ഇനിയും ഒട്ടനവധി ജീവകാരുണ്യ പ്രവര്‍ത്തനങ്ങള്‍ ചെയ്യാന്‍ ഇവര്‍ ഒരുക്കമാണ്.താല്പര്യമുള്ളവര്‍ക്ക് 9447448608 എന്ന നമ്പറില്‍ ബന്ധപ്പെടാവുന്നതാണ്.