അമ്പലപ്പുഴ: സബ്ജയിലില്‍ നിന്നിറങ്ങിയ തൊഴിലാളികള്‍ വീണ്ടും സമരമുഖത്തേക്ക്.
ആലപ്പുഴ മെഡിക്കല്‍ കോളേജ് ആശുപത്രിയില്‍ രാപ്പകല്‍ സമരം നടത്തിയതിന്റെ പേരില്‍ റിമാന്റില്‍ കഴിഞ്ഞ 52 ഓളം വനിതാതൊഴിലാളികളാണ് ഇന്നലെ വൈകിട്ട് വീണ്ടും സമരവേദിയിലെത്തിയത്.
17 വര്‍ഷത്തിലേറെയായി ആശുപത്രിയില്‍ ദിവസവേതനാടിസ്ഥാനത്തില്‍ ജോലിചെയ്തുവന്ന തങ്ങളെ സ്ഥരിപ്പെടുത്തണമെന്ന് ഇവര്‍ കഴിഞ്ഞ ഒന്നരമാസമായി ആശുപത്രിയില്‍ സമരം നടത്തുന്നത്.
സമരം നടന്ന് ദിവസങ്ങള്‍ പിന്നിട്ടിട്ടും സര്‍ക്കാര്‍ തിരിഞ്ഞുനോക്കാത്തതില്‍ പ്രതിഷേധിച്ചാണ് കഴിഞ്ഞ 30ന് തൊഴിലാളികള്‍ ആലപ്പുഴയില്‍ റോഡ് ഉപരോധിച്ചത്.
ഇതിന്റെ പേരില്‍ അറസ്റ്റിലായ തൊഴിലാളികള്‍ ജാമ്യത്തിലിറങ്ങാന്‍ വിസമ്മതിച്ചോടെയാണ് ഇവര്‍ ജയിലിലായത്.