കളമശ്ശേരി: കളമശ്ശേരിയില്‍ ജ്വല്ലറിയില്‍ നിന്ന് മാല മോഷ്ടിച്ച പ്രതികള്‍ പിടിയില്‍. സഹോദരങ്ങളായ തോമസ്, മാത്യു എന്നിവരാണ് പിടിയിലായത്. ഉടമയ്ക്ക് നേരെ പെപ്പര്‍ സ്പ്രേ അടിച്ചാണ് മാല മോഷ്ടിച്ചത്. സംഭവത്തിന്റെ സി.സിടിവി ദൃശ്യങ്ങള്‍ പുറത്തുവന്നിട്ടുണ്ട്.

ഇടപ്പള്ളി ടോളിലുള്ള സാറ ഗോള്‍ഡ് ജ്വല്ലറിയില്‍ കഴിഞ്ഞ തിങ്കളാഴ്ച ഉച്ചയ്ക്ക് 12.30 ഓടെയാണ് സംഭവം. 

ആവശ്യാനുസരണം ആഭരണങ്ങള്‍ നിര്‍മിച്ചു നല്‍കുന്ന ജ്വല്ലറിയായതിനാല്‍ റോള്‍ഡ് ഗോള്‍ഡ് മാതൃകകളാണ് ഇവിടെ ഉണ്ടായിരുന്നത്. കടയുടമ സന്തോഷിന്റെ ഭാര്യ ബിന്ദു മാത്രമാണ് ജ്വല്ലറിയിലുണ്ടായിരുന്നത്. ജ്വല്ലറിയില്‍ കയറിയതിന് പിന്നാലെ പ്രതികളില്‍ ഒരാള്‍ ഉടന്‍ തന്നെ ബിന്ദുവിന് നേരെ പെപ്പര്‍ സ്പ്രേ അടിക്കുകയായിരുന്നു. പിന്നാലെ മാല എടുത്തു കടന്നുകളഞ്ഞു. യുവതി ബഹളം വെച്ചെങ്കിലും പ്രതികള്‍ അപ്പോഴേക്കും രക്ഷപ്പെട്ടിരുന്നു. 

ALSO READ: ഉറങ്ങുകയാണെന്ന് കരുതി, വിളിച്ചപ്പോള്‍ എണീറ്റില്ല; കൊച്ചിയില്‍ ട്രെയിനിനുള്ളില്‍ യുവതി മരിച്ച നിലയില്‍, ട്രെയിനുകള്‍ വൈകി ഓടുന്നു

പുത്തംകുരിശ് ഭാഗത്തുനിന്ന് ഒരു ഇരുചക്രവാഹനം മോഷ്ടിച്ചാണ് ഇവര്‍ ഈ ജ്വല്ലറിയിലെത്തിയത്. മാലയുമെടുത്ത് രക്ഷപ്പെടാന്‍ ശ്രമിക്കുന്നതിനിടെ ഇവരുടെ ബൈക്ക് മറ്റൊരു സ്‌കൂട്ടറുമായി കൂട്ടിയിച്ചു. ഇതിന്റെ പേരില്‍ തര്‍ക്കം നടക്കുന്നതിനിടെയാണ് ബിന്ദു ഓടിയെത്തിയത്. ഇതോടെ ഇവരെ നാട്ടുകാര്‍ പിടികൂടി പൊലിസില്‍ ഏല്‍പ്പിക്കുകയായിരുന്നു. മലപ്പുറം എടക്കര സ്വദേശികളാണ് പ്രതികളെന്നാണ് പൊലിസ് നല്‍കുന്ന വിവരം. പ്രതികളുടെ അറസ്റ്റ് രേഖപ്പെടുത്തി പൊലിസ് തുടര്‍നടപടികള്‍ സ്വീകരിച്ചു.

Police have arrested two brothers for robbing a gold chain from a jewellery shop in Kalamassery, Ernakulam district. The accused, identified as Thomas and Mathew, carried out the robbery by spraying pepper spray on the shop owner’s face before fleeing with the chain. CCTV visuals of the incident have emerged.