മനാമ: ബഹ്‌റൈനിലെ പ്രാഥമിക ആരോഗ്യ കേന്ദ്രങ്ങളില്‍ (Primary Healthcare Cetnres) നൂറു ശതമാനം സ്വദേശിവല്‍ക്കരണം നടപ്പിലാക്കിയതായി ആരോഗ്യ മന്ത്രി ഡോ. ജലീല അല്‍ സയ്യദ് അറിയിച്ചു. രാജ്യത്തെ ആരോഗ്യരംഗത്തെ സുസ്ഥിരമാക്കുന്നതിനും സ്വദേശി പ്രതിഭകളെ പ്രോത്സാഹിപ്പിക്കുന്നതിനുമുള്ള സര്‍ക്കാരിന്റെ വലിയ നേട്ടമാണിതെന്ന് മന്ത്രി വിശേഷിപ്പിച്ചു. എന്നാല്‍ സാധാരണ ആശുപത്രികളില്‍ ഇത് പൂര്‍ണമായും നടപ്പാക്കിയിട്ടില്ല. സര്‍ക്കാര്‍ ആശുപത്രികളിലെ ഡോക്ടര്‍മാരുടെയും നഴ്‌സുമാരുടെയും എണ്ണത്തില്‍ 88 ശതമാനവും നിലവില്‍ ബഹ്‌റൈന്‍ പൗരന്മാരാണ്.
ആരോഗ്യരംഗത്തെ പരിശീലന പദ്ധതികള്‍ക്കായി 2023ല്‍ 4.3 ദശലക്ഷം ദിനാറായിരുന്ന ബജറ്റ്, 2025ഓടെ 17 ദശലക്ഷം ദിനാറായി ഉയര്‍ത്തി.
നിലവില്‍ 500ലധികം ഡോക്ടര്‍മാര്‍ സല്‍മാനിയ മെഡിക്കല്‍ കോംപ്ലക്‌സ്, റോയല്‍ മെഡിക്കല്‍ സര്‍വീസസ് എന്നിവിടങ്ങളില്‍ പ്രത്യേക പരിശീലനം പൂര്‍ത്തിയാക്കി വരുന്നു.
സ്വദേശി ഡോക്ടര്‍മാരും നഴ്‌സുമാരുമാണ് രാജ്യത്തിന്റെ യഥാര്‍ത്ഥ സമ്പത്തെന്ന് പറഞ്ഞ മന്ത്രി, മികച്ച സേവനം ഉറപ്പാക്കുന്നതിനൊപ്പം കൂടുതല്‍ സ്വദേശികള്‍ക്ക് തൊഴില്‍ നല്‍കുന്നതിലാണ് സര്‍ക്കാര്‍ മുന്‍ഗണന നല്‍കുന്നതെന്നും വ്യക്തമാക്കി.

ALSO READ: സ്വീഡനില്‍ ഒരു ജോലി നോക്കുന്നുണ്ടോ? ഇതാ ആവശ്യമായ ടിപ്‌സുകള്‍ | Career in Sweden

English Summary : Bahrain has achieved 100% Bahrainisation in all primary healthcare cetnres, according to Health Minister Dr. Jalila Al Sayyed. Additionally, 88% of medical staff in government hospitals are now Bahraini nationals, supported by a significant increase in the healthcaret raining budget to BD17 million for 2025.