തിരുവനന്തപുരം: കേരളത്തിന് ലഭിച്ച മൂന്ന് അമൃത് ഭാരത് അടക്കം നാലു ട്രെയിനുകള്‍ ഫ്‌ലാഗ് ഓഫ് ചെയ്ത് പ്രധാനമന്ത്രി നരേന്ദ്രമോദി. മുഖ്യമന്ത്രി പിണറായി വിജയന്‍, ഗവര്‍ണര്‍ രാജേന്ദ്ര അര്‍ലേക്കര്‍ എന്നിവരുടെ നേതൃത്വത്തില്‍ വിമാനത്താവളത്തില്‍ പ്രധാനമന്ത്രിയെ സ്വീകരിച്ചു. തിരുവനന്തപുരം-താംബരം, തിരുവനന്തപുരം- ഹൈദരാബാദ്, നാഗര്‍കോവില്‍-മംഗളുരു അമൃത് ഭാരത് ട്രെയിനുകള്‍, ഗുരുവായൂര്‍-തൃശൂര്‍ പാസഞ്ചര്‍ എന്നിവയാണ് മോദി ഫ്‌ളാഗ് ഓഫ് ചെയ്തത്.
വിമാനത്താവളത്തില്‍ നിന്ന് പുത്തരിക്കണം മൈതാനത്തേക്ക് റോഡ് ഷോ ആയിട്ടാണ് പ്രധാനമന്ത്രി എത്തിയത്. 

ബി.ജെ.പി ഭരണം പിടിച്ച തിരുവനന്തപുരം കോര്‍പറേഷന്റെ വികസന രേഖ പ്രധാനമന്ത്രി പുറത്തിറക്കും. സില്‍വര്‍ ലൈനിന് ബദലായ അതിവേഗ റെയില്‍ പദ്ധതി പ്രഖ്യാപിച്ചേക്കുമെന്നും സൂചനയുണ്ട്. പദ്ധതിക്കായുള്ള വിശദ പദ്ധതിരേഖ തയാറാക്കാന്‍ ഡല്‍ഹി മെട്രോ റെയില്‍ കോര്‍പറേഷനെ (ഡി.എം.ആര്‍.സി) ചുമതലപ്പെടുത്തിയതായാണ് വിവരം.