കക്കട്ടില്‍: പാറക്കല്‍ അബ്ദുല്ല എം.എല്‍.എയുടെ ആര്‍ദ്രം പദ്ധതിയുടെ ഭാഗമായി കുന്നുമ്മല്‍ പഞ്ചായത്തിലെ കോളനികളില്‍ ഓണം-പെരുന്നാള്‍ കിറ്റ് വിതരണം നടത്തി. മൊകേരി വടയകണ്ടി കോളനിയിലെ കിറ്റ് വിതരണത്തിന്റെ ഉദ്ഘാടനം പാറക്കല്‍ അബ്ദുല്ല എം.എല്‍.എ നിര്‍വഹിച്ചു. സി.വി അശ്‌റഫ് അധ്യക്ഷനായി.
വാര്‍ഡ് അംഗം കെ.പി ചന്ദ്രി, പ്രമോദ് കക്കട്ടില്‍, പി. അമ്മദ്, മരക്കാട്ടേരി ദാമോദരന്‍, പി.എം അബൂബക്കര്‍, എലിയാറ ആനന്ദന്‍, നൊച്ചാട് കുഞ്ഞബ്ദുല്ല, വി.പി മൂസ, ബാബു കല്ലുപുറം, എ.പി കുഞ്ഞബ്ദുല്ല, എന്‍.കെ നസീര്‍, ജമാല്‍ മൊകേരി, എ.വി നാസറുദ്ദീന്‍, എം.ടി രവീന്ദ്രന്‍, ഷമീര്‍ സംസാരിച്ചു.